財經評論：抽新樓慘過抽新股
■抽新樓的朋友，抽
中前籌，幾近等於中六合彩一樣。 資料圖片
上個月的新股熱潮，哄動全城，酒樓茶餐廳又或地鐵車廂內，隨時聽見市民熱衷認購新股的高漲程度。其實，今年抽新樓既熱度，絕不遜於抽新股，不同之處是抽新股，抽中與否，抽到幾多手，贏錢輸錢都節奏明快；抽新樓的朋友，抽中前籌，幾近等於中六合彩一樣，惟即使幸運抽中前籌，由揀樓到落實選購，到了解認購物業後法律契約事項，以至承辦按揭等工序，少不免半天的時間。
儘管市場一直高喊樓價貴到飛起，但周六日售樓處外的排隊睇樓人龍，卻是一目了然，行過購物商場，又或某地鐵出口，總是滿佈大堆地產代理熱情送上樓盤宣傳單張，樓市有多活力，可知一二了。
筆者友人因籌備結婚，去年底開始四圍出動睇樓，從事文職的友人對宣傳攻勢巨大的新盤印象猶深，與不少市民大眾一樣，屬意發展規模較大、屋苑式設有會所設備的新盤作為置業條件，由去年底的元朗Grand Yoho以至年初的荃灣柏傲灣、荃灣海之戀，全．城匯都一一參觀過，屢次入票，屢次落空收場，即使新發展區供應陸續有來的將軍澳日出康城區，地區非心頭首選，亦毅然一試，早前入票新盤晉海，同告失望而回。
距離婚期越來越近，心情越來越焦急，新盤定價一次比一次貴，抽新樓那股熱情，原本一度高漲，惟遊戲規則令這團一度熾熱的火頭，逐步冷卻下來。踏入今年最後一個月，整整一年的抽新樓行動，無功而還，氣餒程度與眼見新股上市瘋狂癲升，人家贏錢，自己無份的感覺一樣。聖誕將近，或許聖誕節願望是抽中新樓吧!
記者：湯家明
財經評論 舊文
來源 source: http://hk.finance.appledaily.com