財經評論：兩條數睇舖租難跌
■2017年11月訪港旅客逾497萬人次，按年升7%，零售業正式踏入復蘇期。 資料圖片
「小巴大王」馬亞木上周出席美聯（1200）周年晚會接受記者訪問談及今年舖市租金，他說：「中中哋啦，唔會跌㗎啦，加息係有啲威脅，升就唔敢諗，但舖租好硬淨。我咁多舖，一間都無吉，啲租客
好耐嘅，有啲甚至二、三十年，有商有量，總之我唔會要你蝕本，你要搵食，我要搵食，大家都要食，你有得食，我先有得食。」
坐擁以百億計市值物業，可以說他賣花賺花香，但的而且確，過去2年零售寒冬，租客搵唔到食，業主惟減租食少啲。舖租升定跌，好簡單、好基本去睇，就睇租客生意好壞，核心區又睇旅客多寡。
政府統計處上周公佈，去年11月份的零售業總銷貨臨時估值為387億元，按年升7.5%，連升9個月，也是2015年2月以來的最大升幅。值得留意，過往搶貴舖租的珠寶首飾、鐘錶及名貴禮物的銷貨價值按年升7.9%。甚受自由行旅客歡迎的藥物及化妝品亦按年升12.5%。政府發言人指出，零售業於11月份加快增長，反映期內訪港旅客人次顯著增長及消費情緒樂觀。香港零售管理協會甚至表示，業界正式踏入復蘇期。
第2個數是訪港旅客人次，旅遊業議會數據，2017年11月訪港旅客逾497萬人次，按年升7%，創8個月以來最大單月升幅。去年首11個月訪港客近5,300萬人次，按年升3.1%。
用返「小巴大王」的邏輯，租客搵到食，承租有返力。即使年內出現新租比舊租下跌個案，極其量都是早年自由行亢奮期盲搶舖時的摸頂回落案例。在沒有黑天鵝情況下，說2018年舖租難大跌，不是死撐市場，而事實上是今年舖租已有回穩跡象。
記者：陳家雄
財經評論 舊文
來源 source: http://hk.finance.appledaily.com