金手指：美帝揀俄鋁兩個目的
■美國揀俄鋁下手，除咗要嚇俄羅斯之外，另一目的係想大力打壓歐盟。資料圖片
俄鋁（486）被美帝納入制裁名單嘅第三周，冇新消息。只係有一段又一段嘅新聞關於個漣漪。出貨搵唔到找運輸條數嘅方法、出咗嘅貨啲客冇方法找數、有客畀咗嘅錢就被凍結唔鬱得、啲客搵唔到替代鋁
生產，俄鋁喺全球各地嘅礦、廠，好多都係喺「得佢一間公司」嘅市鎮裏，斷十萬計員工、家人等受影響。
我喺度諗，如果今次唔係春天出memo制裁俄鋁，而係冬天忽然制裁俄最大公司，出天然氣嘅Gazprom，歐洲大陸將會有數以百萬嘅人凍死。一張memo嘅威力，勁過核彈，歐洲佬今次越諗越驚。
再講，點解美帝揀俄鋁呢？造鋁，該當何罪？不過明點解，就可有機摸到今次呢單嘢有結果嘅機會。
其實，除咗要嚇俄羅斯之外。孫柏文覺得今次揀俄鋁制裁，另一想大力打嘅就係歐盟。之前特朗普已嘈歐盟玩保護主義，喺飛機、汽車工業上唔公平。歐盟完全當美帝冇到，今次連鋁都冇，點造車同飛機呢？
由牙買加礦工，到俄羅斯工人，由德國汽車公司，到香港股票行。真係有乜可令佢哋企喺同一陣線？
我兩周前已話過，唔快速瓦解，證明畀美帝睇唔work，就會不斷用。點知篇文出街冇耐，就到中興（763）。所以今次制裁，鐵索連舟一線牽，普京、習大大、麥媽、馬卡龍，全部都要瓦解對俄鋁嘅制裁。佢哋亦已做緊嘢，就睇嚇得唔得。
孫柏文
獨立股評人
http://fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.finance.appledaily.com