經濟客艙 - Captain Cool 2018年7月9日
經濟客艙：中國反擊嘅絕招
■貿易戰一旦激起內地消費者負面情緒，抵制美國貨，殺傷力難以預計。資料圖片
貿易戰沒完沒了發展，任由中方推出相應反制措施，可能也及不上呢一招，效果迴響有機會最大，就係激起內地13億人口嘅反對情緒，煽動內地消費者對美國貨嘅抵制行動，顛覆美帝商業霸權行為。
做生意無論來自邊個國家或市場，得罪了顧客，終究對公司業務百害無一利。內地去年掀起反韓潮同杯葛韓貨行動，令南韓現代汽車於內地市佔率一個月內，驟降近半；樂天Mart喺上年第二季度內地銷售急跌超過八成，其後遭當局以違反防火安全為由關閉分店，相信大家不用估也估到，樂天Mart最後敗走中國。
內地消費者抵制韓國貨，挑起消費者負面情緒嘅後果，殺傷力相對關稅措施，效果又快又狠，更往往令公司企業措手不及，令業務急轉直下。最重要消費者不滿情緒，蔓延力相當驚人，亦較難以預計。
中方堅決跟美國於貿易戰埋身肉搏，彭博分析指，美國幾間巨企面臨風險不低，如寶潔、可口可樂同蘋果公司，倘若遇到內地民眾抵制，數千億巨企可能面對內地消費者罷買行動，有機會束手無策，替代市場彌補內地市場損失，也無法短期一、兩個月內做到。睇返有大行估計，美國在內地設分公司2,230億美金收入計，銷售跌兩成，規模同反韓潮程度計，450億美金驟然蒸發。至於美國公司有無能力應對或幾驚，隨住美股呢個禮拜尾業績期展開，可能會搵到少少啟示。
Captain Cool
FB page：http://fb.com/seeforcaptain/
Captain Cool
經濟客艙 - Captain Cool 舊文
來源 source: http://hk.finance.appledaily.com