異動空間 - 魏力 2019年1月21日
異動空間：挾到盡頭要唞唞 - 魏力
以目前市場樂觀的程度來推測，港股應已接近反彈的尾聲，調整浪隨時出現。 資料圖片 適中字型 較大字型
記得3個月前，最佳的投資建議的甚麼？做定存，收3厘息。3個月後，個市挾到你唔信，有大行轉睇31000點，理由係：一、中美逾半機會傾掂數，結束貿易戰；二、中國放水救市，美國也配合減慢收水，資金流向新興市場。市場現時對壞消息置若罔聞，好消息就放到宇宙咁大。
套用鐘擺理論，假如3個月前，鐘擺是處於「極度悲觀」的一端，目前就是使勁擺向「極度樂觀」的另一端。「即係仲有得升？」不妨腦筋急轉彎，想想市場最樂觀、最瘋狂的劇本會是甚麼？貿戰握手言和，取消所有關稅，大陸全面開放市場，讓外資輕鬆入大陸賺人仔；中國勁減稅降費，降準、減息，令市場流動性充裕，債務危機紓緩，人仔緩慢回升；美國經濟保持強勁，停擺迅速解決，英國繼續留歐。以上「最牛」劇本出現的機會有幾高？應該難過連中十次六合彩頭獎。
依魏力判斷，目前市場樂觀的程度，應已接近市場反彈的尾聲，調整浪隨時出現，恒指27260點呢個「雙底頸線」大阻力位，一下子升穿兼企穩的機會不大。今日大高開的話，是沽不是追，挾到盡頭，點都要唞唞。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com