魚樂無窮 - 唐牛 2019年4月18日
馬上成為壹會員
會員註冊/登入
魚樂無窮：高位搶貨顯霸氣 - 唐牛
中移動業績刪除派息「穩中有升」四粒字，結果由87.7元碌到落噚晚收報76元。資料圖片 適中字型 較大字型
一條短片，可以令一個人壞咗、冇咗靈魂；一個壞消息，可以令一隻股票變得不知所謂，中移動（941）業績刪除派息「穩中有升」四粒字，結果由87.7元碌到落噚晚收報76元，似乎要啲時間搵返佢自己出嚟。「點先可以帶動股價上升？」最直截了當的方法，就係股東加持。還記得月初推介的內房股中電光谷（798）嗎？半個月炒高近三成，靠的除了落後及高息，還有第二大股東密密掃貨，足見真金白銀的威力；想搵同樣概念炒作，一定係揀集一家居（1495）。
本欄去年底約0.8元時，已提醒戰友們留意，炒作賣點包括︰供股及批股後竟不跌反升、轉戰電影及電視項目擴闊戰線、貨源越來越歸邊添鑊氣（最新首五大券商持股已近九成）。雖然大股東兼主席侯薇，已透過供股曲線增持逾一成股權，但似乎仍未夠喉，上周起於場內積極收集，最新增持價高達0.97元，數量每每達當日成交一半，霸氣外露。
點解貼近年內高位，仲要咁急搶貨？望一望同樣要染指電影事業的先施錶行（444），股價一星期最多怒升逾2倍，聰明嘅你應該會諗到答案！只要繼續依住劇本行，今日阻力位1.1元，隨時變成明日支持位！
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com