異動空間 - 魏力 2019年7月15日
【異動空間】狂發債抽乾港股 - 魏力
近期港股乾塘的元兇，除百威抽水外，亦與內房瘋狂發債有關。資料圖片 適中字型 較大字型
百威亞太（1876）上市離奇撻Q，公司推說因市況不穩，未免過於牽強，皆因美國減息在即，美股剛剛才創新高；再說招股期間，百威抽乾市場資金，但港股仍一直企在28000樓上，怎樣也說不上是弱市。
魏力估計，百威上唔到市，主要是欠缺「大孖沙」做基石投資者，以為單靠基金大戶已足夠「圍實啲飛」，點知就出事。
事實上，即使今次下限定價，集資額亦達83億美金（約647億港元），以國際配售佔95%計，即要向大戶伸手拎615億銀，市傳有基金拗數，想以低於招股價下限價錢入飛，而百威又唔想平賣，結果就拉倒了。
無論如何，今次最傷除百威外（重債又集唔到資），一定是港交所（388），不足兩個月內損失兩隻大IPO（百威、ESR），合共近800億銀，加上阿里亦傳勁劈集資額一半，隨時又少800億，今年新股「集資王」地位或將不保，港交所短期要回試270元支持位。
近期港股乾塘的元兇，除百威抽水外，與內房「莫財」瘋狂發債有關。今年以來，房企累計發債6,047億人仔，已超去年全年水平；當中境外美元債佔385億美元，亦創同期新高。發改委近日收緊房企發債要求，只可置換未來一年到期的中長期境外債務，不准再亂發債「圈錢」，受消息影響，內房股短期難免受壓，特別是債重房企，避之則吉。
筆者為證監會持牌人，未持有上述股份財務權益。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com