【大茶飯】拆解期油ETF轉倉（青冰）
【大茶飯】拆解期油ETF轉倉（青冰）
油價在上月崩盤，必定吸引散戶去撈。更多
早兩星期有個朋友問，隻三星原油期貨ETF（3175）會唔會打靶，答案當然係唔會啦，連ETF同牛熊證都唔識分，可見最近真係好多新手入場，但多人玩就不代表真正了解個產品嘅。近日
油價反彈後再插，隻ETF開始跟唔貼油價，黑人問號，星期五油價再插，新聞話油組減產太遲，全球經濟停擺油價自然下跌雲雲。
相信入場前大家都唔會睇產品說明，但魔鬼就在細節中，風平浪靜時，這些細節不足道，但最終出事就要人埋單嘅。這ETF是追蹤S&PGSCICrude Oil IndexER，你去標普指數網站，有好詳細的解說，青冰就睇過47頁的methodolgy，算係大約理解，再刨埋發行商三星的網頁。
低賣高買投資者埋單
根據發行商解說，佢哋係跟紐約WTI原油期貨合約去做，並非實物原油，所以指數的回報，不一定跟得足油價，又因為這個ETF係會不斷的轉倉，當中有轉倉成本的。當中點影響到隻ETF呢，發行商三星近日都整咗個短解說，可能是近日被人問候得太多吧。簡單來說即月期貨價110蚊，下月係113蚊，轉倉時就係沽出即月買下月，即係蝕水3蚊，發行商話呢三蚊就係轉倉成本喇，當然佢冇講清楚你聽，呢3蚊你係拎唔返架喇。在上周五，即月紐約期油5月收市價係18.27美元，6月收市價係25.03美元，7月係29.42美元，雖然青冰好少日日睇實油價，但差價有接近3成，係幾罕見。
新聞一定搵到好多因素去解釋，但似乎忽略了一個重點，就是5月紐約期油的最後交易日，係4月21日，首個實貨交收日係5月1日，咁你炒期油都不會走去交收呱，一張合約1,000桶呀，你要搵個大倉擺喎。你唔交收，基本上大部分相關的ETF都不會交收啦，所以就轉倉囉，根據標普指數個網頁，指數係有既定的轉倉及計算方法，三星的做法是分五日做，大部分專業投資者都不會最後那天先做，即月成交極疏，情況有如期指結算日時，下月期指一定會比即月活躍，期指轉倉慣性係提早一兩日嘅。
油價在上月崩盤，必定吸引散戶去撈，畀個數據你，這隻ETF在3月9日，發行量係850萬股，截至最新星期五的數據，發行量係10.4億股，升了百幾倍，青冰相信全球的期油ETF，都會是一樣，撈底是天性嘛，不過ETF有一個死穴，就是按本子辦事，轉倉要跟規矩，情況有如恒指基金要在生效日前買新貴，買貴咗都唔怕，你啲錢之嘛。當全球油ETF都係在這幾天轉倉，大家都係做同一個行為，就是沽5月買6月、7月，市場力量會進一步拉闊差價，即月仲邊有人買吖，如果再有期油大戶推波助瀾，會否是割韭菜局面？至於青冰的陰謀推論正確，還是新聞所說的甚麼減產太遲減產未生效之類？自行判斷吧。
有幾個圖表係可以輔助了解這件事的，青冰昨天已經post了在專頁，戰友可以去望嚇順手畀個like啦。
青冰
http://www.fb.com/chingbing888
本欄逢周二刊出
大茶飯 - 青冰 舊文
來源 source: http://hk.finance.yahoo.com