廣告人語 - 畢明 2020年4月29日
最近忙咩？
讀英國文學時，老師教過一種英文修辭技巧，叫oxymoron：自相矛盾的說法，把相反的東西放在一起。譬如，他有種很善良的殘忍；又或者，這制度已變了一個活死人。
抗疫日常，經濟停擺，本地以外，全球疫情方興未艾無倖免，人人Stay home、save lives，閒聊彼此亂問候吹水：最近忙咩？
嚇，仲唔係oxymoron？
如此時勢，忙？唔好玩啦。
有咩do？個個都話冇嘢do。新聞天天不是飲食業、就是美容業、又有旅遊業要求救援，廣告行家話，你估廣告業好多嘢做，邊個救我？行行都捱緊，個個都受影響，自救互救各有各慘。
然後，最精彩的答案還在後頭。問：「最近忙咩呀？」答：「忙cancel嘢、忙replan過曬啲嘢囉！」
廣告，是明年的事今年做，將來的事今日plan的先發部隊，大小企劃，都經過長短的預備計劃，事前準備屆時執行。如今，預算了的，還執行甚麼？
世界不似預期，疫情話嚟就嚟。近日最忙，唯有取消與改期。
廣告人語 - 畢明 舊文
來源 source: http://www.am730.com.hk