魚樂無窮│今次開淡倉被挾輸得抵（唐牛）
魚樂無窮│今次開淡倉被挾輸得抵（唐牛）
本欄博人仔回軟開淡倉，結果鎩羽而歸。
有跟開本欄直播節目都知，在美元兌人民幣（離岸）升穿6水平（即人仔轉弱）那一刻，我便開始造指數淡倉，原因好簡單，因為過往數據顯示，人仔轉弱，A股及港股難以有運行，又人仔轉弱
並非一日半日，通常都會是一個趨勢，歷時一段日子。我選擇了指數反向ETF 7500，而非熊仔或put輪，一來唔識估呢轉要殺幾多落去，二來亦唔知要等幾耐，所以揀了7500操作，既簡單又方便。
美股、外匯、加密貨幣免費即時報價，自選投資組合獲取相關新聞提示。
事實上，人仔走勢就如心中劇本一樣，由6開始拾級而下，當中或有少許挾倉，但大方向都是轉弱，心諗呢轉應該可以慢慢lead住做啦，叫做幫補下4月的損失。
ATM急挾 劇本改寫
可惜，一切憧憬都在上星期五幻滅了。就在那天早上11點後，以ATM為首嘅科技股不尋常地挾高，從盤路睇到，買盤屬不問價的，直覺告訴我不得不平倉，最後在恒指升300多點時投降了。冇幾耐（接近中午收市），WhatsApp收到bloomberg截圖，原來中美在中概股審計方面傳有計傾，又內地政府傳或放過互聯網龍頭一馬，當時心諗，好彩平淡倉平得夠快。
無他，消息經過午市一小時的發酵，恒指午後極速挾高，最多曾升900點，埋單亦有逾800點進賬，名符其實投降輸一半（其實唔止）；事實上，在好消息傳出後，人仔亦升回六算水平
回應標題，被挾輸得抵，因為阿爺救經濟，連監管都可能鬆手，超必都出埋，真係心服口服，唯一有少少唔忿氣係，一路唔搞ATM，結果呢轉都要擺低罰款，唯有希望5月可以報仇吧。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com