士佳說 - 張士佳 2022年5月3日
【#士佳說 】張士佳：美弱港較強
【#士佳說 】張士佳：美弱港較強
今年的投資形勢仍受著全球疫情變種未停、經濟下滑、再加上俄烏衝突等負面衝擊，難上加難，但有危有機，我認為是大升大跌多年的年代，作為投資者要釐清局勢及要有宏觀大勢的看法，星期五我在Sun channel分享了對大局的睇法，多謝朋友看完話含金量高，大家有空不妨重溫琢磨。
但又唔係只講長線，無理近況，節目中我話博前一Bar係短期底，大市給足了面，講完旋即狂升，突然多項維穩措施出台，針對人民幣貶值、內房財困及谷內需等，指數狂飆，主要由科技股ATMXJ挾升，粉絲實記得我買有美團牛，前兩日仲小艇緊，週五大升，收市前大市都曾有些反覆上落，市場目光盡在中美磋商以避免中概股退市，上星期唔䪊聞到挾味，所以我沽了BABA，也叫食糊，大家亦見到我反手揸美團牛，第一浸是看中了，但中美又唔代表已達成，仲會有排角力，理應食糊，我較心雄看挾升，高位食了一下，本來可印印腳，當日低位手多又補回，其後美股跌過升，雖然夜期無大跌，但也跌三四百，我買番都係有些美中不足。
另一升因係傳聞中央支持平台經濟健康發展，有啲似曙光初露，當中睇好美團#3690，其實之前幾日已經偷步升得靚，美團為抗疫作出國家任務價值，出動無人駕駛配送，又成為國內消費券使用平台，市民消費回報。科技零售政策兼容，但又係傳聞一則，升咗咁多日，所以我高位食牛，但低十幾巴仙就買番係過於心雄，挾淡倉姐，唔應該咁認真，挾淡要靠勢，如今日番黎一無勢食左佢，希望有勢可以坐多陣啦。
穩定大局需要把基礎打穩，基建內房講到底依然是穩增長的國家命脈。會議中提到優化房屋預售，促進房地產市場平穩健康發展。之前低位補返唔少#688中海外，跌左落嚟未到止蝕位但冇收陰燭，揸住先。市場憧憬推出更多內房維穩措施之餘，預期各地陸續取消限售限購等，會蔓延去二三線城市，#1668華南城房地產正是受惠地區之一，呢隻我持有，還有寶龍地產#1238我就等緊多一個信號。
配合高效統籌疫情防控，上海的疫情要有改善就要確保疫苗、核酸檢測試劑到位，留意#1099國藥有新疫苗批核上市，已經突破出好消息時的高位，我暫未持有，做藥物分銷的理應昅實，但#3320 華潤醫藥，#3613同仁堂，#719山東新華製藥，不是已升太多就是痴實250天綫，只可炒不可揸，反而#6078海吉亞我坐到望穿秋水，雖然買左冇乜回過，但等極唔賺，到週五先有些瞄頭。
另一方面，疫情總會回落，在深圳之後，北京、上海遲早也會派發消費券，發揮消費對經濟內循環的帶動作用，國內餐飲業都憧憬防疫措施解封後的一波消費爆發力，餐飲業圖表較好的有#9922九毛九，#2255海昌海洋公園等。（節目好似有講，不重提了。）
煤炭又出了幾個消息，各地進口煤炭爲了應對不斷被搶高的天然氣危機，國際煤的需求同格價只會愈來愈緊張。其實國內煤炭的儲量非常豐富，只是要時間去開發，所以同時進口部分優質煤炭，5月開始對煤炭實施零進口稅率，進口多了，目的對煤炭價格起平抑作用，不過只要大需求仍在，壓價效果可能很有限。所以煤炭股回一回有支持都係上車機會，#3668兗煤澳大利亞我都有望實。
油股中國海洋石油#883公佈了業績增長七成，淨利潤超出市場預期同比增130%，又擬向股東派每股1.18港元的特別股息。雙重利好消息下，雖然gap up但陰燭收市，暫遏一遏升勢，但又不是轉壞，遇上之前高位有一定阻力，有一些關於環球趨勢的資源股，在節目中有提到，可以睇重温。
星期五的大陽燭，由近期超弱的科技股拉起，雖然港股形勢比美股稍強，但美股急挫，指數唔多唔少都會受到影響，所以應集中於比大市率先有二次升穿，更早有突破而且於逆市仍能企稳的個股，這些才會是市場資金導向。
士佳說 - 張士佳 舊文
本文作轉載及備份之用 來源 source: http://skycheung.weebly.com