中環在線：要錢定要時間員工自決翠華加薪玩公投 - 李華華
■翠華過年前又加價喇，唔知老闆李遠康會唔會下令，杯奶茶要再滑?，個脆豬要再脆?呢？
有最貴茶餐廳之稱?翠華(1314)舊年11月底成功上市，至今短短個幾月，據聞已經加開多?四間分店，即係平均一個多星期就開一間，似乎上市之後跑數力度仲有增無減。咁辛苦，咁員工今年有冇人工加先？
過年加價3%
翠華總經理李楸夏(Jessica)同華華講，𠵱家公司有兩個方案畀員工揀緊：(一)減工時，但就唔加人工；(二)工時不變，但就有人工加。聽落都幾難揀嚇喎，要獎金定獎品？一般打工仔可能擔心工時邊有咁易減，梗係揀現兜兜啦！但若果更數分配合理，可能有員工鍾意返少?。
今次公司都算幾民主，Jessica話𠵱家由全體員工投票，傾緊會用邊個方案，至於加薪方案?加幅就未定，要遲?先有結果。咁快就要諗定減工時，唔通翠華想為將來政府有機會推最低工時做定準備？
Jessica話，翠華今年會派700萬獎金畀全體1500名員工，金額較舊年加碼75%，每位員工分到2000蚊到1萬不等，連未過試用期都有份。不過翠華亦計劃?農曆新年之前加價3%，實質加幅1到5蚊左右。佢話公司舊年5月加?一次價之後，樣樣食材都加曬價，「淨係牛肉、豬肉都貴到嚇親人！」所以要加價轉嫁成本畀消費者。唔知凍奶茶今次會唔會突破20蚊大關呢？
李華華
mailto:LiWaWa@AppleDaily.com
上一則: 波音787飛機交付中國遇阻
下一則: 中環在線：中銀唔執輸輕輕減傭搶客 - 李華華
中環在線 - 李華華 舊文