陸羽仁 BLOG 2013年1月18日
炒功(２)
2013/1/18 上午 09:59:35
網誌分類: 經濟
美國經濟持續改善，首次申領失業救濟人數降至33.5萬，創2008年1月以來新低。而12月份的新屋開建數字攀升12.1%，亦係2008年6月份以來新高。兩者都好過市場預期。美國經濟前景顯得光明，暫時轉移了市場對即將將到來的債務上限與政府開支爭拗的注意力。美股高開高走，三大指數齊漲約0.6%杜指漲85點至13596點，再創近期新高；標普500指數升8點，造1481點。
美銀(Bank of America)股價大挫4.2%，係表現最差的杜指成份股。美銀公佈第四季業績，由於支付超過7億美元的抵押貸款法律和解金，美國銀行第四季度的利潤下滑63%至7.32億美元；收入下滑25%至1870億美元。唔計該筆一次性罰金，第四季收入總額將達到2260億美元。全年計數，美銀2012年成績認真唔弱，全年利潤由2011年的140億美元跳升倍三倍至420億美元。
花旗集團同樣受到金融危機期間抵押貸款法律問題糾纏，相關費用達到13億美元，加上裁員和業務調整的影響，花旗第四季利潤12億美元，低於市場預期。股價跌近3%。
?豐最近做了一個全球基金經理對投資取向的調查，結果發現受訪者對今年第一季的股市頗為樂觀，選擇增持股票的比率從去年第四季度的40%大幅上升至75%，看法中的由50%下降至25%，沒有基金經理對股票抱減持態度。相反表示會減持現金資產的比率由30%上升至60%，也沒有人對現金或債券的前景持樂觀看法。
至於投放的區域，75%的基金經理在第一季度對北美股票抱增持態度，較2012年第四季度的60%明顯增加，主要原因係美國經濟相對穩健。睇好亞太區(日本以外)股票和中國股票前景的比率，分別由前一季度的33%和43%升至43%和50%。即係睇好中國的都有增加，但未如北美好。
?豐中國零售銀行及財富管理業務部總經理陳靜君指出，美國經濟復蘇，中國經濟也觸底回升，顯示北美和大中國市場的股票可能仍有上漲空間，全球基金經理睇好股票及某些固定收益市場，睇淡現金，好易理解。
再講講昨日的「炒功」話題。網友buddaau再留言講佢點解咁顛。佢話:「其實我好記得幾時開始鍾意大大注買落去, 搏執幾個%就閃... 好似係09/10時, 當時我重係用電話落盤, 重要係唔使戶口有錢?鶧兇span lang="EN-US">, 想買幾多就幾多, 我當時唔知點解膽粗粗買左50萬中鐵, 唔使半個鐘就彈左上去, 咁就汁左三皮(3萬元), 嘩! 突然發覺?蠵?Y咁易賺.. 如是者, 食過翻尋味, 結果係點, 大家當然知道啦, 係嘔返突俾佢... 之後就唔敢再玩大刀切樹仔... 就算再賭都係相對小注, 因為大注一路買左大飛機, 而且因為轉左網上買賣, 戶口有幾多就買幾多..」
Buddaau再講:「如事者過左兩年, 雖然都係輸, 但係都係有限數... 點知係前日, 突然幻想大豐哥(利豐)會單日反彈, 竟然覺得投機倉太少錢, 贏左都無肉食, 就咁就走左去鬱投資倉既大飛機(中航科工)... 入完重天真到即時SET高10%沽... 諗起都和咪呀... 之後佢一路唔係點鬱, 而且重陰陰咁跌左幾格, 突然怕死, 即沽, 跟手合埋眼高追番曬大飛機, 作為心理補償, 重要追突... 好在怕死, 再加心繫大飛機, 之後大飛機就爆上, 損失先無咁大... 但係諗起都驚, 萬一無沽大豐哥, 又或者沽左之後唔敢追返大飛機, 就真係損失慘重啦... 而且真係會訓唔著...」
Buddaau的故仔相當典型，第一，輸錢皆因贏錢起，當日炒股一日賺3萬，好過打工好多，那能不瘋狂，人受經驗影響，如果你一炒股就燒傷手指，你會養成較審慎的性格，相反如果一炒就贏，好易變「股神」。但大家可能唔知道一個簡單的現實，睇你邊年開始炒，如果2007年大牛市時起步，或在2009年3月大反彈市開始炒，你會發覺炒乜都賺錢，自然好想瘋狂去炒，瘋狂去贏(同而家炒樓差不多)。問題係不是年年都係狂升的年頭，呢?囍b大升市贏錢的往績，可以叫做「盲毛往績」，因為夠膽炒就會贏。真正經得起考驗的是要經歷升市和跌市的業績，結果大部份人的炒法在股市一轉勢就唔靈，因為散戶以買股為主，市跌買股就中招。堅持用大牛市盲炒的方法在跌市炒，當然會輸突。
第二，亂博反彈。炒作方法好多，有人順勢炒，搵?囍雀晡ㄓW的股份，一回落就?; 亦有人逆勢炒，等股份急插時走入去博反彈。但博反彈唔係時時得，隻隻得，有?曭悒鬙豪限爣o，在急跌時，每一次反彈都係打開一個逃生窗口，冷靜的持貨者就會等反彈沽，我就係呢種人，若手上股份遇上突如其來的壞消息，決定跳船，我一定不會在一開市不問價就沽，會等當日或後一日有反彈時才走。股份愈衰，反彈愈弱，你買入利豐博反彈，顯然不是分析其基本因素，只係盲炒，大跌股份必有反彈，但佢的問題愈大，反彈愈弱，因為好多人等住反彈沽，你想博彈10%走，佢可能彈5%再插過都未定，你無研究清楚就博反彈，若唔止蝕可以好傷。一般而言，炒順勢易過炒逆勢，除非你對個別投資產品的走勢及基本因素好有研究，例如我去年在逢日圓急升到76就沽，因為日本政府會在這個位幹預，但這是例外，不是典型。
第三．行為盲動。Buddaau當日盲毛毛將投資倉的中航科工沽掉，轉去投機利豐，一隻當頭起，一隻當頭跌，即使係短炒，都應該等當頭起股份回吐時買。佢咁急，只是盲信利豐可以好快彈10%，典型的唔經大腦一時衝動。
結論係Buddaau話自己「瘋炒」係合理的，佢炒作手法相當不成熟，有點瘋。往後不可再動投資倉的錢。投機先學順勢炒，睇較大股份的股價圖，研究佢上升軌，等回吐時吸納，定10%止蝕，研究什麼位置食糊。小注成功，才可加大注碼。盲目發功，不會成功。
陸羽仁
回應(17) 我想回應
陸羽仁 BLOG 舊文