青心直說：飛行夢有排捱 - 胡孟青
■國泰招聘機艙服務員，反應熱烈，應聘者逼爆。資料圖片
經全球1,800萬評選、榮獲航空界奧斯卡Skytrax本年度「全球最佳機艙服務員」及「最佳泛太平洋航空公司」兩項大獎的國泰航空(293)上周六招聘機艙服務員。適逢電視劇集熱播，反應熱烈，過千人應徵約400多個空缺。其間有唔少家長陪同子女面試，跟出跟入照顧服侍，反映應徵者自理能力弱，不知將來如何服務機上乘客。
未來空姐空少難道妄想航空公司會買一送一、連同家長一併聯招？
機師大多似廚師
國泰方面表示希望應徵者不要抱明星效應及三分鐘熱度心態，因為機艙服務員說到底都是辛苦的體力勞動工作，而且要輪班。
90後美少女們若真的以為可以在機上認識到貌似Chi Lam的靚仔飛機師，就真係要講聲：「慳?啦，baby！」根據長期住在東湧與愉景灣的女性朋友報料，其為數不少的機師鄰居當中，大多都貌似廚師，好多仲要係捧住大大個啤酒肚的大肥佬，邊度有咁多型男。
有應屆文憑試考生隔晚黃昏已排隊霸頭位，唔知以為係爭上頭注香，雖說青春無敵，但睡眠不足反應都會慢半拍，即場面試好輸蝕。
有已辭職記者貪空少薪酬待遇好，I can assure you，空少工作肯定較記者工作辛苦。請不要純粹因為人工高就抱住「睇錢份上」心態去應徵，高薪的背後其實有不少辛酸。認識一位負責頭等艙的靚仔空少，早幾年就因為幫一位肆意把手提行李篋橫臥通道的乘客抬上頭頂行李架，冷不防該篋重量驚人，扭傷腰骨，弄得要長期做物理治療，認真大整蠱。
世上沒有真正的免費午餐，高薪的背後係高辛，是辛苦的辛，應徵者應抱敬業精神才好take off。
胡孟青
獨立股評人
倪匡、蔡瀾同肥佬黎約埋一齊《亂?24》，你睇?未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 財智語陸：民行壞賬毋須太驚 - 陳永陸
下一則: 金手指：759令誠哥撤資 - 孫柏文
青心直說 - 胡孟青 舊文