陸羽仁 BLOG 2013年8月28日
9月變局
2013/8/28 9:27:11
網誌分類: 經濟
任何時候出現軍事衝突的傳言，市場的第一反應通常只有一個：就係股市跌、油價升、金價升。CNBC引述美國高級官員稱，最早或於周四向敘利亞發射導彈打擊。仲唔嚇到投資者腳軟？歐洲股市率先走軟，德國及法國齊插超過2%。杜指昨日亦大跌170點至14776點，跌幅1.1%；標普500指數跌1.6%，造1630點。
美國8月份的消費者信心指數增至81.5點，高過上月的80點，更遠超市場預期的78點。反映消費者對美國商業、就業和企業利潤前景的樂觀度均略有提升。盡管經濟數據好，亦無法抵消市場對可能爆發戰爭的緊張情緒，市場比較擔心的自然係中東局勢轉趨緊張，混亂形勢將蔓延至其他産油地區，影響石油供應，昨日，紐約原油期貨價格收市就大升2.9%至每桶109.01美元，創下六個月以來新高，油價最新報每桶109.67美元，繼續炒上。
反映投資者對市場的恐懼指標VIX指數昨日跳升11.9%至16.78近期高峰。打仗危機會比較短暫，美國打?利亞，以空襲為主，主要為當地反對派開路，美國佬未必出陸軍落地同你打，實際影響有限，所以開了槍之後，個市有條件反彈。但投資者之所以咁驚青，除了中東局緊張勢升溫外，與美國又可能重演去年8月時的債務上限政治風波有關。
美國將於10月觸及債務上限，這意味?市場或將迎來又一場漫長的、久拖不決的政治爭拗。昨日，預算專家柯倫德(Stan Collender)發表文章警告，由於美國美國國會現在只有25天的時間立法通過下一財年的預算案及和調高聯邦政府借債上限，時間太緊拙，即使國會由一黨話曬事，做得到的機會亦唔大，更何況民主及共和兩黨上次已經就此問題鬥得火紅火綠，今次的爭拗相信亦唔會少，即係話，能夠在死線前達成協議的機會好細。美國政府不能排債務違約的可能。
但由於違約的後果非常嚴重，所有政客都唔敢呢個鑊，估計國會將先通過一項臨時計劃，小幅調高借債上限應急，爭取多些時間傾。
Alpari(英國)公司市場分析師厄蘭(Craig Erlam)表示，預計民主黨和共和黨協商的結果是進一步削減政府開支。這亦係投資者最擔心的。因為美國經濟增長比今年年底的預期更弱，削減開支可能會進一步讓美國經濟增長承受壓力，甚至阻礙美國經濟脆弱的復甦步伐。
9月是不平靜的月份，問題多多，包括國會討論10月中到期的債務上限、聯儲局開會、聯儲局主席繼任人問題、意大利政府可能倒台、以及9月第三週德國選舉，變因不少，大家要留神。
陸羽仁
回應(3) 我想回應
陸羽仁 BLOG 舊文