中環在線：過檔微軟袋走兩億諾基亞前CEO唔回水賴老婆 - 李華華
■埃洛普呢頭將諾基亞賣畀微軟，轉頭又走去微軟繼續搵銀，同微軟真係friend呢。
原來BMW(Blame My Wife)唔單止適用於官場，商界都?用。諾基亞早前賣走手機業務，前CEO埃洛普(Stephen Elop)獲得一筆接近兩億元?分手費，芬蘭民眾同政府要求佢放棄呢筆錢，佢斷言say no，原因竟然係佢同老婆搞緊離婚！
芬蘭總理出聲都冇用
芬蘭民眾與諾基亞小股東要求Elop放棄呢筆錢，不無道理，事關佢拍板將諾基亞手機業務賣畀微軟，之後佢會走去微軟繼續搵銀。諾基亞都係有苦自己知，先至賣走手機業務，Elop仲要?走兩億元，小股東同芬蘭民眾當然唔滿意，就連芬蘭總理都出聲話好離譜。
諾基亞主席斯拉斯瑪為平息民憤，親自出馬同Elop密斟，勸佢回水，點知佢連主席都冇面畀，話同老婆搞緊離婚，隨時要分一半身家畀對方。即使佢肯回水，他日都可能要向對方補足差額，所以拒絕就範。
事情反映唔只本港部份官員、政要鍾意出事時，將問題推落老婆身上，聲稱自己乜都唔係好知，乜都係老婆話事，個別外國商界人士都用呢招，仲要遲唔遲，早唔早，?到分手費就同老婆搞離婚，實行工作與私人感情都要重新出發咁話喎。事到如今，諾基亞主席斯拉斯瑪都要硬著頭皮撲火，指Elop獲發1,880萬歐元(約1.9億港元)補償金，符合控制權變動條件。講到尾，錢都收?，點會咁易回水？
李華華
mailto:LiWaWa@AppleDaily.com
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂?24》周一至周五預埋你：http://bit.ly/appletalk24
上一則: 港上月出口負增長
下一則: 中環在線：莎莎掌櫃績前換股冇犯規 - 李華華
中環在線 - 李華華 舊文