情陷夜中環：「雄」顏知己 - 葉朗程
■在SEVVA難得一睹周小姐品嚐香檳伴以中式雲吞，此舉的魅力程度簡直爆燈。互聯網
臨近年尾，除非唔夠數，否則都應該是銀行家close book的時候，即是埋單計數，準備收爐，順便數數手指，計計年頭花紅，想想如何盡興假期。懶洋洋的11月中旬，氣氛寫意，感覺好爽。
星期五提早放工，本打算先回家寫一寫稿，但又暫時未有題材，於是約三個朋友happy hour，將寫稿拋諸腦後，全情投入地輕鬆一下。來到太子大廈的SEVVA，朋友還未到，「題材」卻來了。抬頭一望，看見一名中國籍女子，由保鑣陪同下，「低調」走入餐廳。
香港的女富豪不少，大部份的外表都不討好，要肥有肥，要矮有矮，但像眼前這位女士一樣，年屆五十，依然氣質逼人的，數埋可能只有她一個。環顧香港的有錢人，很多都有保鑣，但僱用「金髮藍眼」作護駕，氣勢如此一時無兩的，除了她，還有誰？一時三刻，想不起。Ladies and gentlemen，她是周小姐。
happy hour巧遇周小姐
「咁多個周小姐，鬼知邊個呀？」為配合她一貫的低調作風，我也不指名道姓了。香港的富翁，10個有11個都靠地產，再唔係就傳媒、零售、金融，總之就係一大堆毫無新意的行業。周小姐嘛，真正用膽識和眼光搵飯食的人。
周小姐負責管理的創投基金，雖然總部設在香港，但在全世界甚有名堂。最出名的一項投資，當然是六年前入股facebook。當年，你我還在學習怎樣「tag相」的時候，周小姐管理的基金，已經用10億元入股這個還沒有錄得任何盈利的網站。其後基金加碼，持股量提升，時至今天，這已經是一個由30億元變270億元的科網界佳話。
其實，我與周小姐的緣份還不淺，這次在SEVVA巧遇周小姐，已經是第四次與她碰面。之前在SEVVA也見過一次，還有兩次，分別在鹿悅和稻菊這兩家日本餐廳。不過，要數我和周小姐「最深」的緣份，必定要追溯至2000年，我中七畢業的時候。
那一年，高考完畢，其實已經心知自己考得有幾「好」，但成績表未派，依然可以夾著「香港華仁精英」之名，呃番一兩份暑期工做嚇。求職信寄出超過十封，但也苦無佳音。癡等兩星期，終於有家公司高抬貴手，那是tom.com。
想當年，股民炒tom炒到如癡如醉，四姨婆七姑丈個個都以為自己係股神。還記得我第一天「加盟」tom的時候，某報章的港聞版頭條是tom爆升幾多十個巴仙。第一日開工，公司就股價勁升，難怪我爸說，我去到邊腳頭都咁好。但最開心還是，上班第一天，已經有好戲睇。
這個好戲碼，叫「改朝換代」。那一天，全公司都要開會，就連我和幾個第一天上班的暑期工都有份，因為新老闆初登場，名字是Sing Wang。這個姓王的大陸同胞，來頭好猛，聽聞是Goldman Sachs當年最fit的banker。Goldman與誠哥一向有著深厚關係，所以王生過檔tom，即是誠哥的科網公司，實在理所當然。
當日，王生站在所有員工面前，白恤衫沒有繫上領呔，下面是一條鬆身的米色西褲，一派科技才俊的打扮，用流利的英語致辭五分鐘，最後用半鹹半淡的廣東話結尾：「如果做得唔開心，記住同你?上面?supervisor講。如果佢?唔理你，don"t worry，公司directory有我direct line，just call me。」那天，跟幾個同事到檀島食lunch，我說：「大老闆好親民呀！」然後，另一位較資深的同事笑一笑說：「王生唔係大老闆，佢係CEO，真正大老闆係周小姐。」今日回想起，原來自己曾經幫周小姐打過工，雖然只是月薪6,000，但已經與有榮焉。
香檳配雲吞+牛肉麵
不經不覺，坐在SEVVA有15分鐘了，其中一位死黨終於來到，他是在Big Four工作的Ronald。喂，望嚇我七點鐘位置，見唔見到係邊個？Ronald用一個淩厲的眼神掃過去，然後說：「係喎，唔見誠哥?？」黐線，問?都多餘，誠哥的級數，一早遠遠超越Sevva。佢老人家真係鍾意的話，?自己屋企開間Sevva都仲得。「嘩，好有型。」Ronald突然說。有乜咁有型？「周小姐飲香檳，但係食中式雲吞。」我有技巧地回頭快望，果然，周小姐喝著香檳，而面前真的有碗雲吞，連牛肉麵都有。葉朗程食遍大江南北，就是未試過牛肉麵配香檳。人一世物一世，立刻各叫一碗。「嘩，黐線?。」Ronald再次大驚小怪起來。又點呀？「190蚊一碗雲吞，190蚊一碗牛肉麵？」看一看menu，真係幾黐線，但難得周小姐喜歡吃的，我都叫得起，就試試吧。
曾經登上《福布斯》女士權力榜的周小姐，幾十年前也只是一位來自小康之家的鄰家女孩。網上翻查資料，周小姐是拔萃女書院的舊生，畢業後與商台的俞琤一起做過DJ。驟眼看，只是一段普通的簡歷。十蚊一碗雲吞，我相信佢以前一定食過，至於由當日十蚊一碗雲吞，去到今日190蚊一碗牛肉麵，這段路當中有甚麼甜酸苦辣，低調的她好像未曾對外分享過。
好些人唔知頭唔知路，劈頭第一句就斷言「佢黐住誠哥實有著數啦」；我其實都唔知頭唔知路，但起碼唔會妄下任何判斷。話唔定，係誠哥眾裏尋她，一見鍾情，極力追求，who knows？傳媒經常形容周小姐是他的紅顏知己，但你唔畀其實誠哥先係周小姐?「雄」顏知己?？
很多女人，慳到飯都唔食，就係為?買個名牌手袋。你睇人?周小姐，使乜名牌手袋，只是一杯香檳一碗雲吞，已魅力盡見。所以話，誠哥眼光之準繩和獨到，豈止於生意？
葉朗程
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 好不主席：軟骨場 - 盧先亞
下一則: 勁收4,500票今售220夥囍?20客爭一夥
情陷夜中環 - 葉朗程 舊文