智取大市：港股跌市警號初現 - 晉佳
■美股的標指周線正醞釀RSI頂背馳現象，而歷史圖表告訴各位，美股中短線接近見頂。美聯社
上星期講到港股中線方向睇唔清，但爆升機會點都低過見頂，踏入今個星期，方向係明確?，但相信向下調整機會偏高，而調整幅度應該係6月尾以來反彈浪以?最大，晉佳亦要一改9月初以??樂觀睇法，中線升浪可能失敗收場。
美股中短線近見頂
要詳盡解釋圖表上?變化，就先講嚇美股。標普500指數近年明顯跑贏道指，今年升極都有，但係由今年5月開始，原來指數係咁升的同時，14周RSI已經開始一浪低過一浪?走勢，當然呢一刻只見雙頂背馳，第三個頂背馳仲未肯定出現，但往績顯示美股有雙頂背馳自然有埋三頂。
簡單?講，歷史圖表告訴各位，美股中短線接近見頂，睇埋近期標普500指數的確已經有腳軟feel，唔排除出現調整，就確認RSI三頂背馳利淡訊號。
雖然晉佳講過日線圖RSI用?港股上面唔多見使，但係用?睇周線美股長線趨勢仍然管用。
回顧過往?周線RSI三頂背馳，通常?股災出現前形成，對上兩次則分別?2011年7月歐債危機爆發前，以及2007年10月金融海嘯之前，之後係點情況，唔使多講?，問你怕未。
如果美股見頂的話，恐防連累港股，但睇淡原因當然唔止呢個。睇番恒指本身，由9月份至今亦已經三次上試23500點不果，三頂不破之餘，噚日開市早段，期指突然出現大手沽盤，開市10分鐘內狂隊超過300點，係9月19日同10月21日恒指頂部冇出現?情況。
換言之，今個短期浪頂有淡友加入戰團，肯定壓力加大，預期後市會比起9月同10月兩段調整期為差。
恒指或下試22000
另外，恒指由10月初到𠵱家?頂部形成?個菱形走勢，係中短線待變形態，待變之餘亦有略為利淡，通常?頂部出現呢種圖形，一旦向下就非同小可，今次淡友發力質低，港股向下壓力會係7月以?最大，月內下試22000唔出奇。
雖然話港股調整，都可能搵到股炒，不過，近期炒上?股份範圍，已經越收越窄，最近環保股、新能源股升，龍頭濠賭股、科網股都未蘇醒，入場值博率點計都係降低?。贏就穀輸就縮，近排都係保持輕身，見步行步就冇錯。
港股短線形勢差?，而美股圖表顯示，甚至未來唔排除見到股災，所以好就係調整，唔好就係急跌。
不過，大家又未必咁灰，調整?話，過多一兩個月，港股又可能變番一條好漢。最重要係睇?形勢，收放自如，餐士波自然埋到你個袋口。
晉佳
本欄逢周三刊登
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 中環迷你裙：季季紅掘壽星金 - Samantha
下一則: 魚樂無窮：彩星集團可再升三成 - 唐牛
智取大市 - 晉佳 舊文