陸羽仁 BLOG 2013年11月5日
Twitter上市
2013/11/5 上午 09:24:09
網誌分類: 經濟
微博網Twitter擁有2.3億用戶，好多政壇名人、電影明星都使用，Twitter借住科網熱潮在美國上市，將於周三定價，周四正式在美國紐交所掛牌。
Twitter預備發行7千萬股，上周的定價介乎17至20美元，市場反應熱烈，有多間證券商都認為定價過份保守，Morningstar日前將Twitter目標價定於26美元，較定價上限有三成的上升空間；Pivotal Research話用戶數量將會有強勁的增長，並可吸引更多新的廣告，上月將Twitter目標價定於29美元，事實上，唔少分析將Twitter一年的目標睇52美元！
Twitter當然唔儍，昨日將定價大幅提高25%(以上限計)至23至25美元。令市預計市值由最高的136億美元，上調至175億美元。不過，估計市場熱情唔會因此有所減退。CNBC人氣節目Mad Money的主持人Jim Cramer在上周節目中已經表示，Twitter定價後的市價如果低過200億美元，估值仍算合理，鼓勵投資者買入搏一搏。Twitter現在市值最高只係175億美元，仍然值得入市。
BTIG的分析師Richard Greenfield表示，以Twitter的新定價範圍，該公司仍會考慮入市，而Greenfield估計Twitter最終會以新定價的下限，即23美元作為上市定價。原因係競爭對手Facebook日前公佈的業績，十分靚仔，對Twitter投資者信心無疑係一個打擊。另外，Facebook指出年輕用戶有下跌趨勢，一方面可能係年輕人唔上Facebook上Twitter，另一方面可能係互聯網的吸引力已開始減弱。
Twitter今次提高了定價，但沒有增加股票發行數量，做法相對唔係咁進取。有分析指，Twitter係吸收了2012年Facebook上市的失敗經驗。Facebook臨上市前升價兼加大股票發行量，導致Facebook股價上市即潛水。無論如何，像Twitter這些互網巨頭上市，總有一場好戲。
今個星期五，美國將公布10月非農就業數據。由於聯儲局是否決定提早退市，關鍵考慮係美國就業情況，所以投資者對非農就業數據特別關注。Jim Cramer在其節目中表示，睇唔好大市非農就業數據公布前後的表現。他指出無論就業數據好與壞，都將對大市構成壓力。數據好過預期的話，市場會憂慮聯儲局提早退市；差過預期的話，市場又會害怕美國經濟唔掂，證實美國政府經過兩周的停運，的確對經濟造成損害。而這種損害，明年初又好大可能再度上演。
陸羽仁
回應(2) 我想回應
陸羽仁 BLOG 舊文