中環在線：創辦人馮銳森忽然出山美聯兵變後山雨欲來 - 李華華
■Apex代表繆宏邦(左)成功邀請馮銳森(右)出山擔任公司策略顧問。
當大家以為美聯(1200)上月中?兵變炒人事件告一段落，冷不防第三大基金股東Apex又有新動作。Apex噚日宣佈，請到美聯創辦人馮銳森出山，銜頭係策略顧問。需知道馮銳森與美聯主席兼大股東黃建業曾經係沙煲兄弟，2000年卻不歡而散，從此不相往來，忽然出山，似係山雨欲來！
華華嘗試聯絡相關人士，可惜馮氏不在港，Apex代表繆宏邦冇覆，黃建業就好客氣咁講聲多謝，只係話「no comment，我只想盡力搞好公司」。
馮銳森跟黃建業原本係沙煲兄弟，1973年一齊成立美聯，第一間行位於美孚新?，並成功將美聯發展為首間上市?地產代理公司。馮氏早幾年接受訪問時形容兩人老友到「同食同住，連銀行戶口亦共同持有」。
可惜，二人未能一直共富貴，公司上市後開始爭權。1998年黃建業聯同當年僑福老闆黃建華，後來將馮銳森逼走。此後馮黃二人不相往來，馮氏亦變得低調，冇再?代理行蒲頭或者有乜搞作，只係一邊投資物業同股票，一邊享受人生，不時走去滑雪同埋賽車。
■昔日?馮銳森(右二)與黃建業(中)係沙煲兄弟，二人曾一起主持分行開業儀式。
Apex曾出面撐「六壯士」
市傳，過去兩年美聯出現兩次兵變都同Apex有關，Apex持有美聯7.3%，屬第三大股東(黃建業持股16.7%)，上月直情出面力撐被黃建業怒炒?「六壯士」，繆宏邦仲話要減持美聯，?水畀佢?另起爐灶。
Apex𠵱家宣佈請到馮銳森做顧問，雖然冇講明做乜，但馮氏離開?呢行十幾年，忽然應承混呢趟水，無論係爭奪美聯還是幫人另起爐灶，應該都有好戲睇。
李華華
mailto:LiWaWa@AppleDaily.com
上一則: 內地鐵礦石價暴跌
下一則: 中環在線：網民爆京東創辦人撻著「奶茶妹妹」 - 李華華
中環在線 - 李華華 舊文