異動空間：A股昏迷新解讀 - 魏力
睇到一篇文章，點都要分享嚇。A股近五年昏迷不醒，原因相信各位心中有數。新華網就提供另一個嶄新角度，話畀大家知，原來A股升唔起，係因為被人「惡意唱空」。
篇文大意是咁的：中國經濟每年保持7%以上增長，估值又平，PE仲低過歐美國家，如果股市仍然長期低迷，就係唔正常，損害投資者利益。股市咁弱，除咗反映投資者對經濟轉型的憂慮，更因為股民入市輸錢，於是沽貨離場，引發更多人虧損，更多人離場。市場有些人惡意唱空(唱淡)甚至做空(沽空)股市，操縱股價，損害投資者利益。因此在深化改革同時，也要加強監管和打擊惡意唱空、做空行為，發出促進股市健康向上的積極訊號。
原來在官媒眼中，股市需要「呵護」，跌市係因為有人立壞心腸，惡意唱淡，唔關經濟事。只要萬眾一心，發出股市健康訊號，個市就會升。何謂「惡意」？寫篇分析文章，建議投資者沽貨，是否等同惡意唱空？一個自稱「強國」的國家，係咪靠把口就唱得死？呢種指鹿為馬、倒果為因的觀點，根本無助喚醒A股，結果只是為企業造數、政府造假護航。唔知魏力呢篇文又算唔算惡意唱空？
魏力
http://www.facebook.com/2012jason
上一則: 何車500：人保超賣追落後 - 何車
下一則: 青心直說：冇家教的議員 - 胡孟青
異動空間 - 魏力 舊文