魚樂無窮：信義光能盈喜掀升浪
■由於超白光伏原片的需求旺盛，信義光能上半年盈利或將增長一倍。
荷蘭五比一狂數西班牙，一報四年前決賽之仇，作為荷蘭粉絲嘅唐牛當然興奮，上屆屢失戎機嘅洛賓，今仗梅開二度，可謂一吐烏氣；如果佢上屆決賽表現咁神勇，歷史一早改寫。當然，此乃不可改變的事實，正如股票市場瞬息萬變，未能捉緊低位撈貨機會，投資回報可以差天共地。
有強大買盤做後盾
盈喜股信義光能(968)連升三日，兼突破三角形走勢，配合三大賣點，目標衝穿歷史高位！公司早前公佈，由於需求旺盛，超白光伏原片玻璃及超白光伏加工玻璃售價均上升，帶動公司上半年盈利將增長一倍，在高基數下仍有如此強勁表現，實屬難能可貴。集團主要股東董清世及相關人士，5月連環增持公司股份，看好之說不言而喻。翻查母公司信義玻璃(868)往績，董清世增持後股價均直線上升，信義光能今次隨時成為翻版，加上升勢僅在起步階段，水位足！最後，信義玻璃分拆信義光能，預期中期溢利將減少25%，股價疲不能興，有理由相信，基金正由信義玻璃換馬至信義光能，有強大買盤做後盾，信義光能博得過。先用上市高位2.95元做目標，潛在升幅26%！
今晚焦點賽事乃紀律最強嘅德國，硬撼由C朗領軍嘅葡萄牙，整體計日耳曼軍團依然秤先，但後者熱身賽大勇，絕對唔易應付，既然兩隊火力皆猛，買入球大(2.02倍)最穩陣，愛博賠率嘅戰友，亦可向大手交易波膽埋手。
唐牛
https://www.facebook.com/tongcow88
識睇一定睇蘋果嘅足動世盃：
http://worldcup2014.appledaily.com/
唐牛
魚樂無窮 - 唐牛 舊文