魚樂無窮：炒央企改革哈電可吼
■吳偉章任總經理的哈爾濱電氣受惠於核電重啟，前景無可限量。資料圖片
有戰友問，點解近排個市成交咁弱？睇返第一季日均成交673億銀，第二季驟跌至570億銀，新經濟股散水成為轉捩點，由日日破頂變為上落格局。最新炒破頂概念?有殼股及大折讓H股，但範圍遠比新經濟股窄，今時今日股市搵食艱難，先至係主流意見。
唔少異動股由以往?接二連三陽燭，變成一棍起兩棍止，所以捉緊第一棍，成為致勝關鍵。央企改革試點正式出爐，首階段有六間央企納入計劃，包括國家開發投資公司、中糧集團、中國醫藥集團、中國建築材料集團、中國節能環保集團及新興際華集團。相關上市公司炒過不亦樂乎，中糧旗下中國食品(506)及中國糧油(606)分別升17%及7%，中國建築材料旗下中建材(3323)亦搶高半成。順藤摸瓜，母公司同屬央企?哈爾濱電氣(1133)，有望搭順風車。當然，炒哈電唔單止央企改革，核電重啟亦係亮點之一。國家主席習近平上月表示，?安全情況下，必要加快重啟核電項目，國家能源局更發佈通知，要求加強核電重大專項管理工作，意味核電重啟如箭在弦。作為內地發電設備製造商龍頭，哈電錢途無可限量。
估值平絕同業
哈電另一賣點在於估值平絕同業，現價PE7.7倍，較同業上海電氣(2727)及東方電氣(1072)折讓43%及13%；PB0.44倍，亦較兩者折讓56%及62%。走勢方面，哈電蓄勢突破5.1元雙頂阻力，現時正係捉緊第一棍?好時機。
唐牛
https://www.facebook.com/tongcow88
唐牛
魚樂無窮 - 唐牛 舊文