中環在線：超人四叔賣樓愛鬥細
新盤單位都有200呎樓下
■長實主席李嘉誠(左)跟李兆基心有靈犀，一早諗緊推特細單位。
近期熱話一定係長實(001)旗下大埔嵐山推出實用面積只得177方呎??房盤，查實恒地(012)主席李兆基(四叔)跟長實主席李嘉誠(超人)心有靈犀，一早諗緊推呢類特細單位，據聞?緊?大角嘴一個大型舊樓重建商住項目，最細單位實呎約170方呎。
恒地過去幾年積極透過收購舊樓做重建項目，部份屬於單幢樓，單位面積相對較細，舉例，舊年推售?九龍城曉薈，就有一個實呎得166方呎?單位。
越來越細大勢所趨
原來唔止呢類單幢樓，據了解，恒地?大角嘴一個大型商住重建項目，雖然現時仲收緊樓，年報話已經有超過八成業權，將會申請強拍，但係公司已經做緊規劃，當中一部份住宅單位屬於特細單位，實呎最細可能只係大約170方呎，總之都係200方呎唔夠。
有業內人士透露，本地發展商普遍認為，新樓盤面積越來越細係大勢所趨，事關近年新盤呎價嚇嚇過萬元，發展商想保持住呢個勢，唔想見到呎價得番幾千元，但係普遍市民負擔能力有限，金管局總裁陳德霖話600萬元以下?上車盤，實際上都唔係人人買得起，於是乎，發展商就推出200方呎左右?單位，即使呎價過萬元，感覺上都容易上車，發展商又去到貨。
四叔推出呢類特細單位，?公司內部都係話幫助年輕人同單身人士上車。照咁睇四叔先至係新盤?房戶?先驅！
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文