對沖國度 - 黃國英 2014年8月1日
這次誤中副車，高位沽期指反而更好，而A股又再次回?，但自己仍然會堅持睇法及打法，認定短期內港股勁極有個譜，繼續主力買個股Put應戰，瞄準內房及個別內險股。
執筆時外圍甚弱，表面上的催化劑葡萄牙BES銀行不過是舊聞新炒，投資者見慣風浪，不必太恐慌，但今次事發時間正值月尾，眼前即將有一堆數據公布，市場水位又高，隨時一個正常獲利回吐，也可以有相當大的殺傷力。炒賣最怕是捉錯用神，過分鎮定，便有可能一場慘敗，所以和早前不同，不應該再用危機正是入市機會的心態。
滬港通益A股多
假如今日港股可以頂住外圍調整，立即再升，自己只會更加義無反顧減持計數。一來吸取教訓，在外圍勢好時鎖定利潤的行動不夠狠辣，以致回頭捱打時有些後悔，兼且少了作戰彈性，二來自己對中港股票的上升空間也不是看得太高，尤其認為此刻滬港通的期望是明顯過高。
很簡單，自己一向放棄開拓內地市場，根本投資文化差異太大，人家只要問一句，你有無一年10厘回報兼且保本？已經可以掉頭走。因此滬港通一定是益A股，對港股作用甚微，香港人或者海外投資者，對於內地同胞的睇法是太過天真，人家對我們的興趣，極有可能相當低。
時移勢易，已經不是九七靠關係炒內幕，又或者○七水頭充足雞犬皆升的年代，而是放貴利好過打劫，在這種環境，最終股市又會有幾好。
豐盛金融資產管理董事 黃國英(作者為註冊持牌人士)
Money18更多即時港股指數資訊
上一則
下一則
對沖國度 - 黃國英 舊文