魚樂無窮：景福賣盤嘆慢板有因
記得入行頭幾年，正值美國加息周期，由於工作性質關係，每次加息都要計計供樓人士每月供款?變化。當時香港剛走出沙士陰霾，所以只以200萬元樓作為計數指標。十年後?今日，上車盤已經去到四字頭，窮人恩物五球都買唔到，想做窮人都難！
A餐B餐慢慢揀
股市亦有異曲同工之妙，以往主板殼價講緊一、兩億元，創業板殼價就幾千萬元，時至今日，連創業板殼價都叫到三億元，主板殼價更加要五億元，正正係僧多粥少、供不應求?結果。以往三億元市值樓下先會被標籤為細價股，而家？未夠十億元都可以當殼股咁炒！事實勝於雄辯，好似老牌金飾股景福(280)咁，現價市值7.4億銀，但最新通告表示，有兩位新潛在投資者正洽購控股股東股權，爭崩頭格局也！戰友可能會話，景福由6月開始吹風賣盤，去到9月都仲係得個吹字，最後會唔會傾唔掂數爛尾。我認為答案係四個字︰吊高?賣！黃花閨女遇著兩戶好人家，作為未來外父外母，點都要計過度過，用現代術語講，有A餐同B餐揀，點解唔慢慢揀呢？
經過一輪賣資產及供股後，景福盤數已經執番靚仔，但而家竟然仲trade緊book value樓下。睇番最新宣佈賣盤?順龍(361)，市賬率講緊1.7倍，如果景福呢個價賣，名符其實賤賣資產！景福現價1.13元，只係比起第一次賣盤消息流出後高?六格，要搵一隻平靚正殼?炒，其實唔難！
唐牛
https://www.facebook.com/tongcow88
唐牛
魚樂無窮 - 唐牛 舊文