魚樂無窮：兩隻值得跟進細價股
■合豐集團最新市值3.5億銀。圖為集團主席許森國。 資料圖片
噚日講到唐牛股齡尚淺，千禧年先第一次真金白銀入市，買邊隻股票？近排弱到爆嘅滙控（005）是也！當年嘅諗法係，大笨象係最穩陣嘅股票，點都有高息做後盾。不過，今時今日嘅滙控，賣點似乎亦只係得高息。不是嗎？而家睇滙控近年放榜，收入成本比率，成為評核業績嘅重要指標之一，反映銀行節流乃大方向，但盈利動力欠奉，往往靠炒房生意撐起，需知投資市場日日過山車，一旦捉錯用神，盈利隨時一命嗚呼。難怪提起穩陣高息股，只有兩電一煤同領匯（823），鮮有再提滙控。近期A股chok到爆，現水平似乎要磨一輪先可以再上，資金亦開始轉戰細價股，學曹sir話齋，有智慧不如趁勢，今日推介兩隻細價股畀大家參考。
第一隻合豐集團（2320），早兩個月推介過，由0.42元炒到最高0.63元，出售廠房第一個step去年底完成，證明唔係冇米粥，股價由高位最多回落逾三成，噚日首次出現大陽燭，理應冇咁短癮，最新市值3.5億銀，趁細價股炒風再起介入，話唔定有意外收穫。
第二隻迪臣建設（8268），由迪臣發展（262）分拆出嚟，主打中港樓宇建造、機電及翻新裝修工程。總發行股數4億股，配售價0.385元，市值1.5億銀，僅及殼價一半，炒作空間無極限，今日高開唔多的話值得跟進。
唐牛
https://www.facebook.com/tongcow88
唐牛
魚樂無窮 - 唐牛 舊文