陸羽仁 BLOG 2015年2月27日
資金移歐
2015/02/27 09:37:07
網誌分類: 經濟
紐約油價再跌番去每桶48美元水平，拖累能源板塊下滑2%，加上美國通縮壓力上升，首次申請失業救濟人數增幅高過預期，削弱市場氣氛，美股反覆輕微走軟。杜指跌10點，收18214點；標普500指跌3點，收報2111點；納指則逆市造好，收市漲21點至4988點。
美國1月消費物價指數（CPI）按月計跌0.7%，係連續第三個月下跌，創08年12月後最大按月跌幅，並且大過預期，主要受油價下跌影響。CPI指數按年則下跌0.1%，符合市場預期。扣除食品及能源價格的核心指數，按月上升0.2%，升幅大過預期；按年上升1.6%，符合市場預期。
美國勞工部表示，過去一年，能源價格重挫9.7%，包括汽油在內的大多數燃料價格指數大幅下降，而食品價格持平，未經調整的CPI按年下降了0.1%，係2009年秋季以來首次出現通縮。美國通脹率不但未見起色，反而出現通縮壓力。而就業市場方面，最近一周的首次申請失業救濟人數躍升3.1萬，總數升至31.3萬，高過市場預期的29萬。美國1月份的營建許可數字也從增長0.2%下修為減少0.7%，年化數字從106萬幢下調為105.3萬幢。
面對疲弱的經濟數據，市場開始懷疑美國經濟是否正在增長。睇埋今日公布的去年第四季GDP增長中值數字，將會有一個較明確的圖畫。經濟學家的平均預測係2.1%，差過第三季的3.9%。TD Ameritrade嘅首席衍生工具策略師JJ Kinahan1指出，市場對GDP增長預期明顯地偏低，如果增長仍然不及預期的話，股市將會遇到大麻煩。
市場氣氛雖然麻麻，不過，睇股市恐懼指標VIX指數，投資者又唔係咁悲觀，昨日只係輕微上升0.5%至13.91，仍維持在較低水平。我覺得經濟數據唔係咁標青，尤其係通漲率遠遠去唔到聯儲局的目標2%，令聯儲局要提早加息的壓力變得無咁大，又有藉口拖著先，唔加息住。美股又跌唔到落去。
固然，聯儲局延遲加息，又唔代表美股無風險。美股最大風險還是在於升上了高位，估值已經過高。自金融危機以來，美股經歷了長達6年的牛市。據聯儲局近日提交美國國會的貨幣政策報告中，便發出警告，股市整體估值較歷史均值偏高，尤其是部分行業公司的估值持續大幅高於歷史常態。美股存在高估風險，債價一旦下跌，債息回升，可能會引起大量資金逃離股市轉入債市。
高盛首席美股策略師大衛近日發報告：過去40年來，只有2000年科技股泡沫時期的美股估值，比現在高。大衛預計標普500指數今年年底目標價為2100點左右，與目前的水平差唔多。大衛的團隊建議投資者將目光轉向美國以外的市場。事實上，由於估值吸引力的股票已經很少，有不少基金經理已經開始將資金轉移至美國以外的市場，尋求更合理估值的投資。其中管理着2350億美元資産的奧本海默基金，已開始將資金轉向歐洲、日本和中印等新興市場股市。美國銀行近期的一項調查顯示，55%的受訪者超配歐洲股市，係2007年5月以來的新高。
咁美國資金出逃益唔益到中國股市呢? 好似又無乜。中國A股經歷了去年底今年初的一輪強勢上衝之後，也有投資者擔心A股市場估值偏高。據彭博報導，不少投資者沽空在美國交易的A股ETF，買A股回落。Markit和彭博匯總的數據顯示，追蹤A股的美國最大ETF空頭頭寸比例達到6.3%，相對於去年年底，該比例僅為0.1%，可見美國投資者覺得大陸股市升得太多。由下星期開始，海外投資者可以通過滬港通沽A股相關個股，暫時滬港通唔太活躍，數據有變動時就要留心。
陸羽仁
回應(7) 我想回應
陸羽仁 BLOG 舊文