魚樂無窮：三隻績優股長短兼備
■利標CEO Bruce Rockowitz（左）搵碧咸（右）做生招牌，首個反彈目標1.7元。 資料圖片
上周五中證監宣佈，內地新成立基金，可直接以港股通買港股，毋須具備QDII資格。數據顯示，內地股票型公募基金規模達1.4萬億人仔，如果全部湧港，以港股每日平均成交800億元計，要買足一個月先搞得掂。但事實係咪咁完美？睇番港股通推出逾4個月，已用額度306億元，連大市半日成交都未夠，北水對港股有幾熱衷，答案已寫在牆上，甚麼大折讓H股、港股獨有股，跟炒無妨，認真你就輸了。
業績放榜進入尾聲，勤力嘅戰友相信已經睇到眼花，有好嘢不妨上facebook交流，集思廣益。唐牛拋磚引玉，一炮過畀三隻大家參考，短中長線兼備。
短線︰利標（787）。賣點一個字講曬︰殘！由兩蚊樓上碌落嚟，累積跌幅接近五成，最新業績第四季更勝第三季，淨係挾淡倉都有排升，加埋碧咸呢個生招牌，首個反彈目標1.7元！
中長線︰中國飛機租賃（1848）及奧普（477）。中國飛機租賃盈利勁升至3億元，市盈率降至21倍，城中有錢佬爭住做呢盤生意，最新富豪（078）副主席羅寶文都話要加碼搞；中國飛機租賃未來搞埋拆機業務，潛力十足。
奧普簡單幾句講曬︰有升有息，全年盈利倍升，末期息達0.1元，現價息率達9厘，股價坐二望三！
唐牛
https://www.facebook.com/tongcow88
唐牛
魚樂無窮 - 唐牛 舊文