異動空間：冷門股趁亂開車
記得魏力幾歲時踢波，走位、配合乜都唔識，只知追住個波，當兩邊細路都係咁，場波就變成十幾人追住一個波，得個亂字，追到身水身汗都冇波入。今時今日落場炒股，同細個踢波一樣，都係得個亂字，成交疏走勢飄忽，龍門又成日搬，球證仲落場踢埋一份，然後高呼對家「惡意沽空」，人
哋又冇拎士巴拿、又冇揸水喉鐵，照樣又拉又鎖……網上看見一個神評論：做空的要坐牢，做多的要跳樓，這就是中國股市的現狀。
個股方面，可留意冷門股銀仕來（1616），6月開始出現成交異動，但上到2蚊冇力轆番落嚟，7月初股災暴瀉至地底價0.48元，市值得番3.8億元。災後經過一輪整固重建後，過去五日接連向上，為6月異動以來首次，別具意義，隨時可趁市亂做世界。該股主營紡織品生產，屬傳統工業股，近年業績顯著下滑，去年得番1,000萬盈利，加上業務簡單、資產負債表乾淨，或引起賣盤憧憬。股權方面，大股東持股近70%，首十大券商持股一直高逾95%，貨源極為歸邊，以至成交一向疏落。6月以來情況逆轉，成交大增料有所圖。短線可上試前高位2.08元，失守1.2元止蝕。
魏力
http://www.facebook.com/2012jason
魏力
異動空間 - 魏力 舊文