一周三件 - 錢雋 2015年8月17日
一周三件：重慶機電夠平
■央企重組注資又再熱炒，重慶機電有注資概念，值得留意。 資料圖片
央企重組注資又再熱炒，場內重慶機電（2722）有注資湊大concept，有得諗。重慶機電終極對口係重慶市政府，喺上年管理層亦講到明，重慶機電會獲阿媽注優質資產，炒注資，重慶機電一樣有機。
低位收集叫兩飛
又重慶機電短短兩個月，股價插咗40%，跌到近一年橫行底，現價（1.26元）市值得46億元，市值奀豬豬，無理由呢啲位搞注資。再睇本業。重慶機電主打包括電線電纜、水力發電等電力設備、通用機械、數控機床同汽車部件，以頭兩瓣佔營收比重最大，去到51%。據祖國規劃，單喺今年電網建設規模4,200億元人仔。重慶市未來五年，會投放1.2萬億元人仔，完善基礎設施產業。諗到嘅係，電線電纜，係喺基建不可或缺配套。
又阿爺為穩定經濟，今年5、6月時，加快基建批復進度，總額佔咗首七個月總額8,180億元人仔60%。成張picture係重慶機電主打瓣數，食正新一輪基建潮，支持到重機嚟緊中線，有靚仔成績單。呢期人仔貶值，但重慶機電揸人仔存款同以人仔借貸為主，呢點無蝕滙水。又就算計以重慶機電上年尾NAV做準，計埋人仔貶值，重慶機電現價都係得0.66倍PB，場內近磅瓣東方電纜（滬603606）講緊8倍PB、秦川機床（深000837）4倍PB、中電建（滬601669）2.9倍PB，重慶機電平咗一大截。
收集重慶機電，博注資，再博新一輪基建潮，重慶機電turnaround當上番上市咁多年嚟平均0.94倍PB，重慶機電講緊都要升42%到1.8元，目標PB兼未有耐追到上邊行家。
錢雋
細價股專家
本欄逢周一、三、五刊出
錢雋
一周三件 - 錢雋 舊文