女神tea time：跌市也有大贏家
■人仔及其他亞洲貨幣貶值，變相港元升值，今次仲唔到我哋享受平價旅遊嘅樂趣。 資料圖片
大市陰乾式咁跌，損手之餘仲悶到一個點，所謂長痛不如短痛，在下真係寧願佢痛痛快快跌盡佢，然後起死回生。劣勢未轉，你灰又唔代表人人同你「灰機toge
ther」。以下四大市場人人唱淡，但贏家仍然有。
1.零售市道：內地人冇錢，香港零售增長自然慢落嚟，奢侈品藥房撐唔起舖租，其他類型嘅舖頭真係要叫一句：機會嚟啦，飛雲！香港租金正常化，令零售行業比例會更平均多元！
2.人民幣：人仔呢兩日叫做喘定，但唔少大行繼續唱淡，有大行更喊跌多6%。人仔貶值令其他亞洲貨幣跟跌，香港人去旅行更化算。香港人捱咗咁多年弱港元，仲唔到我哋享受平價旅遊嘅樂趣？另外，認真嘅，人仔貶值變相輸出通脹，變相美國更加冇咁急於加息，耶倫壓力自然down！
3.黃金：金價喺低位徘徊，你同我都有著數！點解？天津之所以有咁多山埃，就因為要土法煉金。𠵱家黃金需求下跌，咁更加冇必要咁多山埃，生態危機都冇咁大呀！
4.股票：股市陰跌，老散都可以受惠！報價機都唔使睇，時間多咗，畀你靜落嚟嘅機會大咗，隨時一個唔覺意，畀你諗到一盤生意出嚟！下一個朱克伯格仲唔係你？
Fifi
本欄逢周二、四刊出
http://www.facebook.com/lovefrystock
Fifi
女神tea time - Fifi 舊文