魚樂無窮：10月追揸沽策略
■用瘋狂來形容今年頭九個月市況，相信冇人會反對。 資料圖片
港股第三季喪跌5,400點，以點數計歷來最傷，月份計亦是五連跌，將好友趕盡殺絕。用瘋狂來形容今年頭九個月市況，相信冇人會反對，4月大時代全城起鬨，恒指未升穿三萬，大家已經睇緊四萬，細價股仲誇張，升
幅倍倍聲，批股供股消息竟由票房毒藥變成信心保證。但好景不常，A股孖展及配資過度膨脹，阿爺暴力打壓，最終兩敗俱傷——散戶輸錢了，A股殭屍化了。港股慘變受害者，股災連環出現。對大時代仍念念不忘嘅戰友，不妨望望指數，再睇一睇自己嘅股票戶口，一句到尾︰是時候放低了。
踏入10月，股災之說四起，究竟係會繼續衰落去，定來一個絕地反擊？觀乎過去一段時間，能夠推鬱股市的，只有兩個因素︰1.中國經濟數據；2.美國息口走勢。前者衰咗一段時間，公信力越來越低，估計對股市影響有限。後者則不同，事關今次係海嘯以來第一次加息，心理作用大於一切，一旦儲局落實10月加息，暗示要觀察一段時間，環球股市肯定大開香檳慶祝。點解？最大不明朗因素消除了。如果10月唔加呢？繼續等運到囉。最鋒利嘅刀都有生銹嘅一日，同樣道理，最長嘅跌浪都有完結嘅一天，直覺認為10月股市升嘅機會多過跌，話唔定升到你唔信。原因？因為全世界都好悲觀，物極必反也！唔知買乜好？乾脆掃盈富基金（2800）吧。
唐牛
https://www.facebook.com/tongcow88
唐牛
魚樂無窮 - 唐牛 舊文