一周三件：第一上海兜轉
■第一上海今年全年的主要業務增長看俏。圖為集團主席勞元一。 資料圖片
中證監立案查內地券商，內地券商同中港股市，震散曬唔再講，連本地薑第一上海（227）亦被拖累。券商股當中，第一上海PB已經係至平選擇之一，再跌就要兜，等阿爺利好政策公佈。
憧憬業績亮麗
第一
上海今年6月尾每股NAV2.38元，現價1.33元潛近半年橫行底，得0.55倍PB。本地薑耀才證券（1428）同期2.5倍PB、國泰君安（1788）2.45倍、申萬宏源（218）1.6倍、英皇證券（717）1.49倍、海通（665）1.2倍、信達（111）0.93倍、時富（1049）0.88倍、新華滙富（188）0.82倍。第一上海同結好控股（064）0.5倍PB差無幾，場內PB至平。
港股今年上半年瘋牛之後，去到第三季，日均成交額過千億元，同比仍然增加40%樓上。而上個月，港股日均成交796億元，同比亦增加咗19%。中港股市越嚟越緊密，靜唔到落嚟，交投keep住生猛，同其他券商一樣，第一上海都肥仔。而市場畀到上邊本地券商嘅PB唔係低，有中資背景嘅更加去到1.5倍樓上，第一上海PB平到爆！
第一上海今年上半年盈利9,130萬元，一枝箭增長15倍，有上半年靚仔業績打底，加埋下半年以嚟，港股交投keep住活躍，唔計集團上年出售藥業獲兩億元嘅一次性收益，第一上海今年全年嘅主打瓣數應該有靚仔增長。嚟緊日子，等深港通同刺激政策減息放水公佈，第一上海再跌，吼實三個月支持區1.2元兜轉，當上番250日線阻力1.64元，講緊要升37%。到時，第一上海都係得0.69倍PB，仲未追到最近磅嘅新華滙富。
錢雋
細價股專家
本欄逢周一、三、五刊出
錢雋
一周三件 - 錢雋 舊文