捱打局面
2016/01/21 08:54:00
網誌分類: 經濟
內地上證綜指昨日守唔住3000點，收市回落1%至2977點。港股就慘啦，早前人民幣貶值打擊經濟同股市，人民幣近排略為企穩，依家又輪到港元貶值，衝擊，港匯昨晚突急跌至7.82，逾8年來最弱，在10日內由7.75強方兌換保證，
跌至7.82水準，距離弱方兌換保證7.85只差300點子。除隔夜拆息外，其他拆息全線上升，資資流走壓力續升溫，股市再中重拳。恆指勁插750點至18886點，跌幅3.8%；國指仲衰，勁跌4.3%。
亞洲其他國家股市以至歐美股市亦無運行，日本股市插3.7%；韓國股市跌2.2%；整個歐洲股市平均跌3.2%，其中法國及英國股市跌3.5%；德國股市亦跌2.8%！美股杜指昨日中午亦一度大跌超過3.5%！其後跌幅逐步收窄，收市跌249點，報15767點，跌幅1.6%；標普500指數跌22點，收報1859點，跌幅1.2%；納指跌靠穩，微跌5點至4472點。全球股市，可以講係血流成河，慘不忍睹。
美股杜指昨日中午曾勁插566點，午後見頂回升，跌幅由3.5%大幅收窄至收市時的1.6%，反彈原因相信係有股民覺得這是撈底好機會，不過，CNBC的首席技術分析師Carter Worth提醒股民，股市跌得多，或者者會反彈，但在這種市道撈底，係好危險的行為，隨時因小失大。主要原因係睇目前美股市況，熊味十分重，佢話定義是否一個牛市，需要見到有兩個狀況，第一是大市波動向前時的浪頂及浪底，都是一浪高於一浪，另外，大市的大部份的板塊都有較強的表現，但現時美股，這兩個狀況都見唔到，已經唔係一個牛市，而且大市走勢已經失守上升軌，根據1973至74年、2000年科網股爆破，以及最近的金融海嘯等大熊市，大市跌破上升軌之後，將會繼續下滑，與高位比較，跌幅由30%至50%不等，言下之意，係小心撈底撈著個「菠蘿」。
美股以至全世界股市近排已經跌咗好耐同好多，究竟幾時至真正見底呢？CNBC人主持人Jim Cramer話，單係熱情，唔能夠推動大市上升，一定要有一些基本因素轉變了才可以。首先係聯儲局要改變持續加息的貨幣政策；第二是中國政府要搞好金融以至經濟政策，但中國政府似乎愈搞愈糟糕。經濟數據繼續唔得，已經令到股市走向熊市區域；第三是要見到商品市場觸底回升，但狀況似乎愈來愈差；第四係油價回穩，但問題係油價正在自由下跌之中。再加上今年係美國大選年，據政客喜好狗咬狗習性，只會令到經濟及股市雪上加霜。換言之，美股以至全球股市仲有排衰，不容樂觀。
我加幾句，若論港股，港元受狙擊，一個捱打局面，港股也是有反彈，難大升之勢，故短炒轉身要快，長揸如今未係下大注的時候。
陸羽仁
回應(3) 我想回應
陸羽仁 BLOG 舊文
來源 source: http://blogcity.me