魚樂無窮：冷門避險股首選
永旺（984）舊年3月宣佈，公眾持股量跌至25%以下，當時大股東AEON持股71.64%，第二大股東基金Aberdeen持股10.37%，根據主板上市規則，持股10%或以上已被視為主要股東，縱使Aberdeen完全獨立於AEON，但其持股並不能當作公眾持股，
故實際公眾持股僅約18%，管理層講明，會採取適當措施維持公眾持股量。
事隔一年，永旺月初公佈最新持股量，唐牛睇完當堂嚇一跳，然後得啖笑，事關雖然AEON持股不變，但Aberdeen持股竟不跌反增至11.3%，公眾持股進一步跌至近17%，說好了嘅恢復公眾持股呢？
望一望資產負債表，真相大白了︰永旺手頭現金達20億，連同定存9.2億，扣除負債後，含金量高達28億，比起市值19億，還要多出9億，難怪兩大股東均惜貨如金。最後點樣解決公眾持股問題？冇人知道，但永旺有5厘息墊底，加上百貨業在經濟差嘅情況下有望受惠，配合貨疏價必揚效應，絕對係資金避難所冷門之選！
唐牛
https://www.facebook.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com