智取大市：中國昆水有新財技
■喺習近平嘅年代，國企只有未還的債、沒有不良負債。 資料圖片
中央發明內銀債仔以股代債還錢，雖然唔信內銀成為大批爛賬企業股票嘅繼承人，但當中嘅深層意義，一定要知。大家要清楚中國以乜嘢人的利益為先，依次為官員、黎民百姓、債主、股東，最後係外國勢力。中國過往呃
外資手法層出不窮，逼不得已之下犧牲中國籍股東，暴力救市可見一斑。
點解第一間以股代債係華榮能源（1101）？香港上市嘅股票，毫無疑問，外資持股比例相比有資本進出限制嘅A股為多，今次以股代債將每股資產攤薄，先嚴懲外資股東，政治正確。點解係民企？因為國企根本「冇」不良負債。大家要好好記住，毛澤東年代，中國只有待業、沒有失業；喺習近平嘅年代，國企只有未還的債、沒有不良負債。內銀面對國企，根本係「門常開」，債務可以無限loop、無限借、無限再融資，冇銀行追數，何來變不良負債？假如重債國企本來冇上市，以股代債發生喺呢間國企身上，就等於將股權由中央轉手至有外國勢力持股的內銀，中央權益被攤薄了，該死！
華榮能源以股代債有乜嘢即時藥效？就係負債率大減，財政突然健康，到時向銀行再借過，內銀喺香港分支、以至擦鞋搵生意的外資行，繼續借美元債畀華榮，將資金調回大陸投資，美元便上貢畀央行救國，直至再借爆為止。打擊外國勢力兼幫國家提供美元，真係冇得輸。
晉佳
https://www.facebook.com/advanceguy1/
晉佳
智取大市 - 晉佳 舊文
來源 source: http://hk.apple.nextmedia.com