【銅鑼灣書店】曾俊華言明越境執法「唔合法」 繼董建華曾蔭權再變相反襯梁振英「不能接受」說軟弱│範中流
銅鑼灣書店店長林榮基昨晚開記者會，大爆他被扣押的過程及當中感受，震動本港各界。梁振英據報仍在郵輪假期期間，今日仍是署理行政長官的曾俊華，今午回應事件時雖似乎有點緊張「口窒窒」，但仍講明香港「唔可
以接受」越境執法：特區政府「嚴格咁按照一國兩制嘅原則同埋基本法呢，係嚟處理呢香港嘅事務嘅，呀呢個係、係係係係係重要嘅。同我哋亦都要知道呢，係香港以外嘅執法機構呢，喺香港作出執法嘅行動呢，係、係係、係唔合法嘅，呢個係，亦都係我哋唔可以接受嘅。」
曾俊華續稱：「我哋亦都係可以重申一點呢，就係我哋一直都係好，呀都係好，好重視，我哋非常之重視香港居民嘅人身安全。咁我哋亦都會繼續，我哋係堅決依法咁樣保障，香港市民嘅權利，同埋佢哋嘅、同埋佢哋嗰個自由。」但他於在場英語媒體追問時，卻表明不會以英語覆述上述聲明。
不過，公眾相信會記得：早於今年1月李波事件鬧得熱哄哄之際，梁振英就一直拒絕以「絕不接受」來形容他對大陸人員越境執法的看法，最多只肯講「不能接受」，結果遭《信報》創辦人林行止在專欄中直斥：「行政長官按《基本法》管治香港的承擔顯然留有一點空間。」
當時已有意見指，梁振英的態度，相對於首任特首董建華2004年公開回應大陸公安疑似來港執法時，曾發聲明指如事件屬實的話，是「完全不可接受」，以至2005年底時任特首曾蔭權在京述職時更表明已主動向中央提及事件，均遠為模糊及消極。
（撰文：範中流）（原圖為有線新聞截圖）
延伸閱讀：
【銅鑼灣書局】李波失蹤涉大陸官員來港執法 梁特幾經追問方稱不能接受
【銅鑼灣書店】曾蔭權曾「回應民意」向中央了解程翔事件 梁特只一味呼籲別作揣測
【銅鑼灣書店】等足十九日公安先回覆 回顧梁特盡過幾多力│皇甫清http://www.post852.com/?p=141145
林行止分享 舊文
來源 source: http://www.post852.com