亮說亮話：政府摸底反而露底
■梁振英（右二）政府就橫洲公屋事件摸底，反而俾人知佢哋冇地。梁旁為運輸及房屋局局長張炳良（左二）及財政司司長曾俊華（右）。 資料圖片
友人同我講，政府同鄉紳就橫洲公屋事件摸底是不對，我話摸底沒有不對，是孫子兵法重要的一著，不過，當然不是叫摸底，知己知彼大
家一定聽過，雖然摸底不一定會贏，但輸的機會就減少了很多。但有時摸底反而會累事，令到打算摸底的人露了底，大家會不會覺得奇怪。
曹操是著名軍事戰略家，但因為摸底失利，而招致在赤壁大敗。當日曹操破荊州、下江陵，準備與周瑜在赤壁決戰，誰不知曹操有個謀士叫蔣幹，自認同周瑜稔熟，自告奮勇去周瑜陣地做說客兼摸底。
周瑜是何許人也，當時拔尖生，點會唔知道蔣幹來意，於是安排群英會，實行反間計，蔣幹中計，回到曹營對曹操說，雖然未能說服周瑜投降，但查到曹營中有奸細，就是劉表降將水軍統領蔡瑁、張允。
曹操信到十足，立刻搵個理由殺咗兩人，不過殺咗之後就後悔，知道中了反間計，沒有水軍統領，如何同周瑜打？最後曹操在赤壁大敗，就是因摸底不成功所致。反之，周瑜知道曹營在赤壁最重要的棋子就是蔡瑁和張允，利用曹操摸底時用反間計殺了兩人，如果當時曹操唔派蔣幹去摸底，以83萬大軍強攻猛打，九成九唔會輸。
其實，今次香港政府好似曹操，應該是在上方，只要強攻猛打，一定可以迫到土地出來，毋須要摸底，摸底反而露底，被鄉紳知道政府冇地，政府又有乜嘢辦法攞地不是幅幅皆辛苦。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com