財路：賽特食正一帶一路
■賽特價殘攞到內地大孖沙工程，兼食住一帶一路走出去；圖為集團主席蔣建強。 資料圖片
賽特（153）喺上市以嚟低位，家陣得3倍PE，食住一帶一路走出去，兼攞到內地大孖沙project，一turnaround，又係好易辣得起。
賽特主打鋼結構同預製構件。近兩年內地鋼
材玩供應側，加埋經濟增長放緩，瓣數無運行之餘，加埋賽特今年上半年盈利倒退13%，現價0.62元，潛喺2013年上市以嚟海底價，比上市價1.03元累跌40%。
賽特呢個PE已殘到冇朋友。加上賽特係江蘇省第二大鋼預製組件同第三大鋼結構供應商，呢期集團公佈同中建材工程集團同中冶建工集團簽訂協議，獲得安徽省馬城新鎮安置房建製組件供應分包項目，預計收益唔少過2.3億元（人幣．下同）。
賽特新簽包括土耳其、柬埔寨，另連澳洲兩份新鋼結構合同，總額1.8億元。呢個金額相當於賽特呢瓣今年上半年總收益4.2億元近半水位。賽特攞到內地大孖沙工程，兼食住一帶一路走出去，嚟緊日子有運行。
當賽特今年EPS只係keep到上年度0.207港元水位，但隨住海內外新工程發力，明年EPS增長15%咁大把，到0.24港元，預測PE得番2.6倍，場內平霸。業績一turnaround，容乜易辣起？煲賽特，當現價翻半番到1.24港元，明年預測PE先得5倍幾，目標價亦未去到上年中，投資者「北京城建」以每股1.43元溢價入股賽特嘅配股價水位。
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.apple.nextmedia.com