亮說亮話：信消息你便輸了
■北水南下掃港樓已是舊消息，投資者現時不應以此作為投資指引。 資料圖片
上周我撰文話理髮師教我買樓，已聽到樓市跌聲音，反應群情洶湧，搞到我要話可能聽錯。其後收到理髮師WhatsApp，話樓價直線上升並不是與我唱反調，傳了一則關於我講睇樓市不如聽樓市的新聞
，同版有大半版講大額北水南下，400億狂掃港樓，證明他並不是亂作。
我從來都沒有認為他是亂作，不過他收到的已是以前的消息，北水南下最少是半年前的事，現在部署完畢，才對外界說，令港人搶樓，樓價飆升，得益者當然是北水。其實，講得畀你聽的消息就唔係消息，在北水南下初期，消息話樓市將會進入蕭條期，樓價最少下跌三成，如果當時以此消息作為投資指引，物業資產就會被北水吸納，消息當然要留意，但時間更加重要。
去年恒指衝上28000點，當時不少股市專家雀躍話北水南下，港股大時代來臨、恒指衝上四萬、五萬指日可待；我撰文話那些北水早已南下，已準備收割，大家所講的大時代其實是大春秋戰國時代，是非常危險時代，小國生存於幾個大國之間，偶一不慎，就會被吞併。
對於小國國君來說，大時代就假，大春代就真，我講甚麼都沒有人聽。於是，人取我棄，又唔知點解，恒指莫講四萬，連兩萬九都上唔到，唔需要好耐，就已經跌到一萬八，相信大時代的人，都變成了大春代。現在舊調重彈，北水南調，莫非另外一個大春代來臨。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com