魚樂無窮：
曹星如連勝藝術
■曹星如一拳打中對手要害，隨即贏出賽事。 資料圖片
神奇小子曹星如上周六出戰，大家在現場在網上無不睇到咬牙切齒，一來為他能否奪得21連勝緊張，二來對手絕非省油嘅燈，好彩曹星如最後一下KO對手，大家一瞬間由擔心轉為歡呼喝采。
賽後曹星如坦言，俾對手打中幾下雞
心痛到爆，左耳中拳更一度失聰，如果唔係全場觀眾為佢打氣，已經一早跪低。投資道路，與拳賽有異曲同工之妙，市況波動之時，一旦手風唔順，就會左一拳右一拳咁食，市況差時更係連環拳如雨下，打到你滿天星鬥。
不過幾時都講，買中一兩隻好股票，足夠扭轉整個倉位，你睇曹星如一拳打中對手要害，隨即贏出賽事就會明白。
威鋮國際（1002）上星期發出盈喜，預期中期盈利增長十倍以上，以112萬人民幣作為基數，即起碼賺逾千萬。點解咁犀利？原來舊年接咗張4億銀嘅大單，帶動盈利狂升。
近期工業股有大翻身跡象，包括本欄反覆推介嘅億和（838）、嘉利國際（1050），威鋮能否成為另一隻牛股？畀多個貼士大家，公司年初向管理層發行購股權，每股作價0.32元，現價溢價僅一成多，會唔會咁快夠喉？心中有數！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com