魚樂無窮：脫穎而出的殼刁
■新嶺域獲富偉國際提出有條件要約，要約人實力與人脈唔弱。 資料圖片
新嶺域（542）日前宣佈，獲富偉國際提出有條件要約，要約價每股0.178元，消息刺激新嶺域一度高見0.217元，較要約價高出逾兩成。
今次要約要過兩關，第一關是富偉國際須成為新嶺域亞洲證券、
新嶺域亞洲資產及新嶺域亞洲融資主要股東，是項條件已於上周五達成。
第二關則是富偉國際在要約後需持有新嶺域超過五成股權，而富偉在場外以0.178元購入27.8%股權，意味只需多買入22.2%股份即可達標。
從股權分佈睇，街貨超過七成，要收齊似有難度，但睇CCASS，金利豐證券及鼎珮證券共持有83%，兩間證券行正正為呢單刁嘅財務顧問，能否過關，答案似乎已寫在牆上。
講番要約人富偉國際，大股東為楊立君和楊志君兩兄弟，其中楊立君於內地從事物業投資及發展，你可能會話，內房南下買殼有幾出奇，但需知道，近期賣殼交易明顯減少，與阿爺嚴例堵截資金外流不無關係，楊立君能夠成為少數來港shopping嘅內房商，實力與人脈一定有番咁上下。從呢個角度出發，小注博新嶺域一個大炒機會，諗得過！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com