Can Bank：有線具濃濃的亞視味
■有線易主，新主的陣容，散發出濃濃的亞視味。 資料圖片
經過一場大龍鳳之後，有線（1097）終於宣佈易主，新主係由亞視之父邱德根兒子邱達昌牽頭的永升，雖然筆者亦都認同邱達昌所言，邱家對娛樂事業有一定感情，如果唔係，好難會接手連九倉（004
）都要斬纜嘅有線。
雖然邱達昌口口聲聲表明，因為時代唔同，有線好難成為亞視翻版，但從股東陣容上，邱達昌見傳媒時表達嘅思維方向，均散發出濃濃的亞視味。先從股東陣容嚟睇，邱達昌本身已經夠「亞視」，富力（2777）李思廉再加上聯想控股（3396）的趙令歡，更重要是邱達昌表明，日後有線在廣州落地，李思廉可以幫到手。
再看營運方向，未接手已表明裁員一成，但又希望可將增加有線頻道，再希望發大目前賺錢嘅寬頻業務。作為管理層，一心想公司轉虧為盈係無錯嘅，不過，今時今日嘅傳媒，比邱德根年代嘅亞洲時期競爭更激烈，再用「減成本，食老本」嘅方法似乎難突圍而出。
上述幾點已經令有線突然有了陣亞視味，雖則在股東陣容上仍有鄭家純這個香港人，不過邱達昌形容兩之間嘅關係，係「無兩句」、「入股係同意佢覺得電視傳媒唔會滅亡」。
來到這裡，或者筆者以例子去講解鄭家純做生意的方式，在2009年新創建（659）旗下與新地（016）合作的海濱南岸，是首個表明唔會向撻訂業主追差價，而落呢個指令的正是鄭家純。相對於邱德根年代嘅亞視連廁紙都要省，即使今次未必會省廁紙，但在節省成本這個角度看，亦不難看出兩人做生意的方針上可謂天南地北。
今次接手有線是由邱達昌見傳媒，似乎反映有線對於鄭家純來說，只是投資，並非生意。作為投資有買自然有賣，即使係當年是鄭裕彤從邱德根手上接手亞視亦好，真正會落手營運的機會亦不大。
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com