中環在線：馬雲「晚上醒來不摸老婆摸手機」
阿里巴巴主席馬雲每次去論壇做演講都一定派金句！日前佢喺鄭州論壇上再有偉論：「我們晚上醒過來，摸的不是老婆，是手機。」佢話今時今日，手機已經成為人身體一部份，陪伴人嘅時間最長，「甚
至可能超過你的父母，你的妻子」。佢認為，手機除咗代替老婆之外，更加將一個老太太同銀行董事長嘅權力拉近，畀錢都唔使去銀行排隊，「支付就是每個人按幾下鍵就可以了」。
預言社會矛盾激烈
家陣馬雲一字一句都可能被人當聖經，但佢重提舊事，指15年前，大家膠都費事畀，完全唔理佢。
佢話，𠵱家有好多企業鬧佢「搞彎曬」啲超市商場，呢啲都係唔聽佢講嘅後果，「15年以前，我在全國各地，至少兩三年內講過兩三百次這樣的演講，提醒大家互聯網、電子商務對各行各業會有衝擊，但是沒有人把這個話當回事情，那個時候我是nobody，講話等於白講」。
佢喺會上再預言，估計未來30年，成個世界嘅變化會超過大家想像，「未來30年，社會矛盾的激烈，企業的衝擊，各行各業都會碰上巨大的衝擊」。如果對此感到悲哀、擔心就永遠都係一個麻煩，但視佢為一個機會就會成為一生難求嘅機會咁話。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com