【不問價追】國企重組不要離我太遠（小炒王梁心欣）（第142期）
2017-9-14 19:30:13
踏入九月，小炒王把選股範圍收窄於幾個大主題「內房，資源或科技，國企混改等重組，大灣區或雄安區，AH折讓」。講到內房，民企如恒大（03333.HK），融創（01918.HK
），廣東五虎等都已經大爆升，而恒大仲有深控戰略投資，小炒王相信未來就會到國企大爆發，小炒王睇嘢好簡單，十九大前，邊間國企做到改革就係政績，做唔切都要提出方案大計，等十九大後再做，好似官媒博客俠客島咁講百花齊放，所以小炒王為大家搵到隻五礦地產（00230.HK）。
先講基本面，五礦地產現價1.28元（執筆時$1.28，在tasty money推介後上到$1.38），市值大約43億左右，經濟通顯示市盈率PE預期8.36倍，息率3厘左右，每股帳面淨值NAV 1.968元，PB 0.6倍左右，無論係國企定民企內房企業裡面，五礦地產現價係超平，好抵買。認真睇下份年報以及公司網站等，小炒王發現五礦真係超值，點解咁講？
首先，五礦在香港有兩幢投資物業，分別係中環雲咸街29號的LKF29 同埋尖沙咀漆咸道南79號的五礦大廈，剩係呢兩幢大廈加起上來，都唔止值43億，但呢啲物業會在賣出時才會體現到價值，大家不妨上網查下就知周邊大廈的估值。有呢兩幢大廈喺入面，小炒王現價買得絕對放心，你1.3買緊值2-3蚊嘅嘢，甚至可能係值4-5蚊喎，買咗揸得安心。
再睇下中期報表，五礦地產唔係只係得大廈收租，而係不停有項目開發，好近我地的有去年40億投得的臨海油塘項目，項目佔地逾11.64萬方呎，起4幢樓，大約657夥，以目前樓價來睇，又係有錢賺的項目。公司業務覆蓋全中國，主要係一線同二線核心城市，目前呢個估值，真係好平。
但講到吸引小炒王嘅，就係公司未來一定會注資，係舊年3月18日，五礦建設(舊名)同阿媽定立資產託管協議，雖然託管費只有3000萬，但係管的資產有近400億，其後公司更改名叫五礦地產以正視聽，再睇返2015年新聞，五礦集團便著手對旗下房地產開發與建設業務進行戰略梳理，確定在實現業務運營平台一體化、消除內部競爭、解除業務交叉重疊及管理資源分散等問題的原則下，以五礦建設作為集團地產業務的整合平台。所以，小炒王認為五礦未來好大機會把值幾百億嘅項目分批注入五礦地產，若果啟動注資的話，股價係拾級而上，現價點睇都係好值得建倉。
而在2016年，五礦同中冶正式重組，而中冶一樣有唔少房地產項目，早年仲買落唔少優質地皮，小炒王相信，未來一定係會注入去五礦地產度做整合，到其時，唔止五礦本身個幾百億，而仲有中冶的幾百億，加埋上來肯定成為過千億的企業，現在睇五礦地產只有43億，大家估唔到佢係變千億的可能性吧，（當然係一個好大的憧憬）未來就係等呢個重組大計開重，小炒王記得當年保利置業（00119.HK）兩次注資，都係由個幾炒到十幾蚊，所以今次五礦地產，小炒倉都會搵機會買入。
不問價追 - 小炒王梁心欣 舊文
來源 source: http://www.winmoney.hk