魚樂無窮：提升表現操盤法
■去年恒指狂升近8,000點，為歷來最勁。資料圖片
2018年第一次同大家見面，先祝戰友們股運亨通、百發百中。去年恒指狂升近8,000點，為歷來最勁，股民對呢個結局卻又愛又恨，愛者，當然係因為大市由頭升到尾，走勢之佳屬近年罕見，恨者，卻是升勢覆蓋面異常細小，除
非買中強勢股，否則必定跑輸大市，嚴重者更是得個吉，眼白白睇住機會流走。
「如果錯過咗去年升市，今年應該用乜策略？」雖說踏入新一年，但市況唔會180度轉變，揸實強勢股依然係操盤主旋律。去年首三季企業盈利普遍理想，嚟緊公佈嘅全年業績一定交到數，炒業績憧憬下，股價易升難跌。另一方面，北水影響力越來越大，概念股炒作只會更癲，我也只在學習階段，有機會再同大家分享。細價股嘛，謎網事件一日未完，一日都難有作為，最多只有零星炒作，有食要食乃硬道理。
去年聽得最多嘅說話係「沽咗買唔番」，300蚊沽咗騰訊（700），轉頭就升破400大關。想避免重蹈覆轍，便要學習分注操作。簡單來說，就係將注碼一分為二，一注係做貨底，為的是食盡升浪，另一注則用作炒上落，為的是食盡波幅。如此一來，短炒沽錯也有貨底在手，唔使胡亂再衝，減少出錯機會，要提升倉位表現，你一定要識！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.finance.appledaily.com