水能覆舟 - 渾水 2018年4月18日
【水能覆舟】「你們，欠了我一個人情。」（渾水）
【水能覆舟】「你們，欠了我一個人情。」（渾水）更多
講一件生活小故事。
背景係關於一件全香港人都知的股票大事，事情弄太大，所以不便揚其名。我有不同圈子的朋友都參與其中，這班人各位其主，有時係朋友關係，有時係對家。情況就好像春秋戰國的合縱連橫，非常複雜。
我從來沒有參與其中，因為太麻煩、太亂，但幾個不同圈子的朋友都派花生給我吃，大家各說一套，我係一個聆聽者。然後有一日，朋友A叫我幫手，我有點尷尬。以我所知，我接了這份工作，對整件事係有害無益，亂上添亂，但我可以賺到錢。
然後我進入了一個兩難：
第一，接了這份工，賺錢，然後令整件事亂上加亂。
第二，出於江湖道義，不賺這筆錢，然後讓件事停止惡化。
好典型，就是出於私利和公利的兩難局面。坦白講，件事無人係好人，沒有明顯黑與白，亂上添亂然後賺錢，其實非常合理，也無什麼公義、道德上的問題。我想了兩秒，然後做了個決定。
最後我拒絕了這一份工作，犧牲自己，然後幫他們尋根搵原因，解決了他們之間的溝通問題，免費做了顧問，幫他理順了整件事。這樣做，不是因為我高尚，唔想賺錢。因為，搞了我一輪，我調轉頭同我的朋友們講：「你們，害我無生意，仲要做和事佬，所以你們欠了我一個人情。」
人情在金融市場不值錢，通常都無口齒，講完唔認數。所以，做曹操那樣寧我負人，毋人負我反而係最好的做法。不過，家庭教育所致，媽有時教我唔好太計較，但唔計較還唔計教，一定要講清楚，否則人地當你白做，搵你笨搵你著數。講清楚話欠人情，等佢遲下還，可能係比較妥當的做法。不過，查實佢走數唔還，你都吹佢唔脹。每一個決定都無完美，都有機會成本。
水能覆舟 - 渾水 舊文
來源 source: http://hk.finance.yahoo.com