Can Bank：自成一國新賭場
■美獅美高梅地理上雖然在其他賭場附近，但與其他賭場沒有連接，比較輸蝕。 資料圖片
美高梅中國（2282）上個星期公佈業績，經營利潤大跌53%，公司解釋是氹仔美獅美高梅開業令成本增加，最重要係，新場究竟可唔可以為公司增加收入。
上周末，散子同朋
友到澳門重點就是看看新美高梅，先從裝修看，發現整個美高梅裝修不太平衡，主大堂金碧輝煌，過百萬Swarovski水晶吊燈，清朝禦製地氈。甚至較少人談及的雲石，亦用上罕見的綠色，造價不菲。
其次就是中庭，天幕確實搶眼，加上LED熒幕，的確較少見。音響是重點，廣場每個角落都可以聽到音樂，但又不至於騷擾到客人閒談。美獅大堂的金獅，確實具標誌性。
不過在另一端的「側門」（因為點睇都唔似正門），完全係兩回事，地板所用雲石屬較便宜的種類，對著門口的店舖更是完全不合格調的Under Armour，散子周末正是由此門進，進場一刻大感失望。
正所謂裝修只表達賭場願唔願使錢，賭場本身先代表到個場搵唔搵錢。先講美獅美高梅位置，雖然在其他賭場附近，但與其他賭場沒有連接，換言之，在其他賭場手風唔順，都唔想轉到MGM再博，尤其是周末打風，MGM賭場少人到都唔想落去賭。MGM新場要賺錢似乎要再等等。
散子
http://fb.com/散子-257101397966975
散子
Can Bank - 散子 舊文
來源 source: http://hk.finance.appledaily.com