智取大市：下一輪習式升市 - 晉佳
短期要等撈底應該先諗美股，再觀望出年港股追落後機會。
資料圖片
降準後港股即日彈散收皮，呢種情況，就似足牛市末期日日升、條街人人估得中股市單邊市嘅相反版本，睇嚟呢種絕境唔會維持好耐，但要港股回升，就再要經歷一段大戶低位收集期，欲速則不達。
近排消
息面有幾衰，毋須多解釋，反而值得留意中央最近做咗三樣嘢，第一，減稅，效果不用多提；第二，連環打壓企業、惠民生政策，包括藥品聯合採購試點壓抑藥價，以及重慶建議取消收燃氣初裝費等等；第三，降準。再加上本來已做緊推動AI、大數據等高科技發展。中央期望未來靠民生消費拉動經濟，難度自然靠炒炒賣賣高得多。不過，無論如何，中央都想試咗一個健康發展模式催谷經濟先，預期招數會繼續出，只不過失敗機會都幾大。
當知道一切健康招數都唔夠用嘅時候，最後又會死死地氣放寬樓市調控，容許財富效應再度產生。因為，中央始終要向政治勢力、人民、企業進行下一輪派餅，才能鞏固王朝。只要樓市狂牛不死，習帝升市循環會再出現。
為過去幾期做總結，短期要等撈底都應該先諗美股，再觀望出年港股追落後機會。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com